Bie numri i pasagjerëve në aeroportin e Shkupit..!

Numri i pasagjerëve në Aeroportin Ndërkombëtar të Shkupit ka rënë edhe në qershor, për të tretin muaj radhazi, njofton ueb-faqja e specializuar për trafik ajror, Exyuaviation.

Rënia e numrit të pasagjerëve është vërejtur pavarësisht rritjes së numrit të ngritjeve dhe uljeve, kryesisht për shkak të tokëzimit të një pjese të konsiderueshme të flotës së Wizz Air për shkak të problemeve me motorët e avionëve të rinj të gjeneratës neo Airbus 320-321.

Në Aeroportin e Shkupit gjatë muajit qershor ka pasur 265.983 pasagjerë, që është 2.6% më pak se qershori i vitit 2023, ndërsa numri i uljeve dhe ngritjeve është rritur për 6.4 për qind.

Vitin e kaluar, kompania hungareze me kosto të ulët me bazë në Shkup gjatë sezonit veror kishte stacionuar pesë aeroplanë të tipit “A321”, me kapacitet prej 230 ulësesh, ndërsa këtë vit nga Shkupi fluturon vetëm “A320” me 180 ulëse. Për shkak të problemeve me gjeneratën e re të avionëve Airbus 320-321 neo, këtë vit në Shkupnuk solli as një aeroplan tjetër, ashtu siç ishte planifikuar më parë.

Këtë verë “Wizer” ka pesë aeroplanë në bazën e Shkupit ndërsa ishte planifikuar të ketë gjashtë.
Ky reduktim i kapacitetit ka ndikuar në rënien e numrit të pasagjerëve.

përkundër faktit se në aeroportin e Shkupit ndërkohë filluan të fluturojnë “Air Baltic” për në Riga dhe “Ajet” për në Stamboll, si dhe është rritur numri i fluturimeve charter, kryesisht për në Antalia. “Vizer” është ende linja ajrore që ka pjesën më të madhe të tregut në trafikun ajror të Maqedonisë. Vitin e kaluar, kjo përqindje ishte 61.8 për qind.

Gjatë gjysmës së parë të vitit, aeroporti i Shkupit ka shërbyer 1.364.571 pasagjerë, që është një rënie prej 10,9% pas tremujorit të parë rekord.

/tv21