Kërçova vazhdon të jetë e paprekur.Përmes një postimi këtë zyrtarisht e konfirmon Kryetari Komunës së Kërçovës Fatmir Dehari!

Informacion nga Komuna e Kërçovës,rreth konfirmimit për personin nga ky qytet i cili rezultoi me COVID -19…

Personi nga Kërçova më dt. 20 shkurt të këtij viti është larguar nga qyteti dhe këto ditë është kthyer në Maqedoni.

Ai ka punuar në traget i cili ka lundruar nëpër ujërat e ndonjë vendi të Evropës dhe më dt. 10 prill ka arritur nga Franca në Aeroportin Ndërkombëtar të Shkupit, por aty i është nënshtruar testimit i cili ka dalë pozitiv dhe i njëjti nuk ka pasur qasje në qytetin tonë.

Aktualisht ndodhet në izolim në Shkup dhe pas komunikimit direkt me të prekurin, mësojmë se gjendja e tij është stabile dhe pa asnjë shqetësim.

Është e sakt se ai është me origjinë nga Kërçova, por nuk ka lëvizur aspak në qytetin tonë.

Apelojmë te qytetarët që të mos krijojnë shqetësim dhe çdo informacion tjetër ndyshe nga ky, nuk korrespondon me realitetin.

/tvgurra