Kërçovë qytet i ndotur dhe kancerogjen..! (VIDEO)

Jemi në kohën kur e gjithë bota e zhvilluar mund të festojë ardhjen e pranverës, dhe të diskutojë mbi ekologjinë duke planifikuar se si të gjejnë kushte për jetë në Mars dhe ndonjë planet tjetër. Ndërsa ne si shoqëri kemi ngecur në një grackë 20 vjeçare e cila na ka ngulfatur dhe s’po na len asesi të largohemi nga ndotjet e mëdha, tipike me ato të shekullit 20 ku industritë e ndryshme dhe shtetet nuk kishen aspak një plan të mirëfilltë mbi ndotjen dhe shkatërrimin e ambientit.

Me hov dhe bujë të madhe para disa viteve na shpalosën “Agjendën e Gjelbërt”, duke ja bërë shesh vetes “se ne ua zgjidhem problemet shqiptarëve” dhe ky mandat do të jetë mandati ku ne do merremi me planet që aktualisht merret e gjithë bota e qytetëruar. Mirëpo sapo vodhën në pabesi mandatin nga shqiptarët, ata vazhduan me avazin e vjetër dhe shumë shpejt harruan për çka në të vërtetë e bënë ata fushatë disa-milionëshe.

Me ndërtimin e hidrocentraleve në lumin e Baçishtit nga njerëz të afërt me pushtetin, ata e shkatërruan ekosistemin dhe e lan atë lum të zhytur në mijëra tonë mbeturina duke e shndërruar në një qendër të ujërave të zeza dhe kanalizimeve të disa fshatrave, të cilat në mungesë të zgjidhjes, fatkeqësisht detyrohen edhe sot e kësaj dite ti derdhin në lum.

Është e turpshme të shohim, se si pothuajse të gjitha fshatrat shqiptare në Kërçovë, akoma nuk kanë kosha për mbeturina, duke i detyruar banorët ti gjuajnë nëpër deponi të egra dhe më pas duke i akuzuar po të njëjtit si të pa edukatë dhe pa kulturë.

Edhe përkundër keqpërdorimit të parasë në bazë ditore nga udhëheqësit komunal, ata nuk u mjaftuan me aq, por sërish rritën taksat në faturimin e mbeturinave me preteksin se do dërgojnë mbeturinat në lokacione të posaçme. Por kjo u bë për sy e faqe ngase tendenca e organeve komunale paska qenë të rrjepin dhe mbulojnë luksin e tyre mbi krahët e popullatës.

E për në fund, ne s’do rreshtim asnjëherë së ngritur zërin mbi Termocentralin e Osllomesë apo Kancerin, i cili përmbi pesë dekada ka vrarë dhe akoma vret mijëra jetë me ndotjen jashtë çdo norme e si për ironi me kapacitet të rritur edhe në sezonin e verës ku mërgimtarët kthehen ne vendlindje.

Ata premtuan me vite agjenda dhe plane të panumërta mirëpo dështuan në çdo premtim të dhënë, edhepse si tematikë tashmë e ka humbur kuptimin për të diskutuar mbi të.
Ne si të rinjë dhe organizatë politike, nuk themi që këto probleme do ti zgjidhim brenda natës, mirëpo do të mundohemi që sa më shpejt me një punë intensive dhe në bashkëpunim me popullatën vendase njëherë e mirë ta zgjidhim këtë problem.

VIDEO:

/levizjabesa