Maqedoni: Mbi 600.000 njerëz jetojnë me vetëm 150 denarë në ditë! Ja kush e thotë..

Partia opozitare maqedone VMRO-DPMNE thotë se gjendja ekonomike e qytetarëve të Maqedonisë është rënduar gjatë qeverisjes LSDM-BDI.
“Mbi 600.000 njerëz jetojnë me vetëm 150 denarë në ditë! Çdo i treti qytetar jeton me vetëm 150 denarë në ditë! Maqedonia është vendi më i varfër në Evropë dhe me inflacionin më të lartë!

Inflacioni në Maqedoni është 50% më i lartë se në Eurozonë! Rritja e GDP-së për frymë nga viti 2017 deri në vitin 2023 në Maqedoni është vetëm 20%, ndërsa në vendet e rajonit Serbi, Bosnje dhe Hercegovinë, Shqipëri, Mal të Zi mbi 50%! Borxhi publik është rritur për gati 4 miliardë euro për 7 vite!”, njoftoi partia opozitare VMRO-DPMNE.

Nga aty thonë “Qeveria i ka borxh çdo qytetari 2000 euro!”. Për shkak të LSDM-së dhe BDI-së, secila familje me katër anëtarë ka 8 mijë euro borxh! Maqedonia është ndër 10 vendet me shkallën më të lartë të krimit në Evropë!”.

/(INA)