Kujdes për të gjithë ata që udhëtojn nëpër Slloveni !

KUJDES nëse udhëtoni nëpër Slloveni: Shoferët që kalojnë nëpër Slloveni së shpejti do të përballen me një sistem të ri kontrolli të shpejtësisë në autostrada. Autoritetet po vendosin kamera që masin shpejtësinë mesatare të automjeteve në segmente të caktuara rrugore, pra jo vetëm ku është radari për matjen e shpejtësisë, por në një pjesë më të gjatë të rrugës.

Sistemi regjistron kohën e hyrjes dhe daljes së automjetit nga një segment i monitoruar dhe, bazuar në distancën e përshkuar dhe kohën e udhëtimit, llogarit shpejtësinë mesatare. Nëse shoferi tejkalon kufirin e lejuar, ai do të gjobitet.

Kufiri i përgjithshëm i shpejtësisë në autostradat sllovene mbetet 130 kilometra në orë, përveç rasteve kur sinjalizimi rrugor parashikon ndryshe. Kjo do të thotë se drejtuesit e mjeteve duhet të respektojnë kufizimet përgjatë gjithë segmentit të monitoruar dhe jo vetëm pranë kamerave.

Policia sllovene pritet të njoftojë datën e saktë të fillimit të matjeve zyrtare pasi të përfundojnë të gjitha kontrollet dhe verifikimet teknike të nevojshme.

/ts