Mickoski : Gjat qeverisjes 20-vjeçare të BDIs 10 mijë persona u larguan nga Bërvenica, 90% shqiptarë !

Kryeministri Hristijan Mickoski në seancën për pyetje të deputetëve tha se VMRO-DPMNE-ja asnjëherë nuk ka bërë thirrje për votim etnik në Bërvenicë, përcjell TV21. Mickoski tha se si pasojë e qeverisjes 20 vjeçe të BDI-së dhe koalicionit, rreth 10,000 banorë janë larguar nga kjo komunë, shumica prej të cilëve, sipas tij, janë shqiptarë.

“Dhe në fund përfundojmë në Çellopek, sepse atje po ndërtojmë një kopsht dhe një sallë sportive me paratë e kësaj Qeverie. Për 20 vjet, ju keni realizuar zero projekte për Bërvenicën, dhe rezultati i atyre zero projekteve, zoti Rexhepi, është 10 mijë njerëz që kanë ikur, 90% prej tyre shqiptarë. Dhe tani shëtitni nëpër Evropë e botë, u përkuleni dhe u thoni: “Kthehuni në Bërvenicë për të votuar”, sepse nuk doni që kaurët të fitojnë dhe ta kenë kryetarin e tyre në Bërvenicë.

Të njëjtët njerëz që ikën nga sundimi juaj 20-vjeçar në qeveri. Ju i përzutë ata të rinj. Në vend që të takohemi sot në Tenovë, në Gurguricë, në Radiovcë, në Çellopek, ata u larguan për shkakun tuaj. Kur isha në Tenovë, vura re dy objekte adhurimi, një xhami dhe një kishë, që qëndronin pranë. Dhe do të shihni se si besimtarët, si myslimanët ashtu edhe ortodoksët, ia shtrëngojnë duart njëri-tjetrit para se të hyjnë brenda.

Po, ata përqafohen dhe ia shtrëngojnë duart njëri-tjetrit, sepse janë fqinj. Cili ishte mesazhi im? Kur përfundoi raundi i parë i zgjedhjeve lokale, këto të parat që, fatkeqësisht, u nxitën nga një ngjarje tragjike, dhe le të prehet në paqe shpirti i kryetarit të ndjerë, Jovica Ilievski, njerëz nga koalicioni juaj dolën dhe bënë thirrje për votim etnik. Nuk doli askush nga ky koalicion, as nga VMRO-ja, për të thënë: “Votoni sipas etnisë””, tha Mickoski

/tv21