Kalliri i Mirësisë – Kërçovë: Takim konsultiv për projektin ” Kushina Humanitare “

Më datë 16.02.2024 në hapësirat e OH “Kalliri i Mirësisë – Kërçovë” me një numër të konsideruar të imamëve, kryetarëve të bashkësive lokale, anëtarëve të kryesisë dhe kuvendarëve të Kallirit të Mirësisë – Kërçovë u realizua një takim konsultativ për të bashkëbiseduar idenë e projektit inovativ dhe shumë të nevojshëm në Komunën e Kërçovës, të emërtuar “Kuzhina humanitare”.

Vlen të theksohet se ky projekt i rradhës u mirëprit nga të pranishmit dhe u shpreh gadishmëri e lartë për bashkëpunim në realizimin sa më të mirë në çdo vendbanim, me qëllimin shumë fisnik të bëhet organizimi dhe realizimi sa më mirë i projektit “Kuzhina humanitare”.

Ky projekt përfshin:
PËRGATITJEN DHE SHPËRNDARJEN E USHQIMIT TË FRESKËT ÇDO DITË NËPËR SHTËPITË E NJERËZVE ME HENDIKEP DHE AFTËSI TË KUFIZUARA.
Të nderuar bëmirës,

Shpresojmë se si çdo herë tjetër edhe në këtë situatë së bashku do të demonstrojmë bujarinë, solidaritetin dhe përgjegjësinë që kemi ndaj atyre që Allahu na i ka lënë emanet.
Zyra për marrëdhënie me publikun pranë OH “Kalliri i Mirësisë – Kërçovë”

/ms