Kërçova ndër dhjetë qytetet në Maqedoni në të cilët nuk ka asnjë të infektuar me Covid-19

Deri në ditën e djeshme (e diel) në Maqedoninë e Veriut janë regjistruar gjithsej 555 persona me Covid-19, por ka disa qytete në të cilët akoma nuk ka të infektuar.

Ata janë: Kërçova,  Negotina, Kratova, Probishtipi, Dojrani, Shën Nikolla,  Berova, Vinica, Dellçeva dhe Pehçeva, përcjell Telegrafi Maqedoni.

Ndërsa qytetet në të cilët më shumë ka të infektuar janë: Shkupi, Kumanova, Dibra, Shtipi, Prilepi, Tetova dhe Struga.

Ministri i Shëndetësisë Venko Filipçe, dje deklaroi se me disiplinë të mirë mund të mbahet nën kontroll gjendja me virusin.

Ai tha se Maqedonia e Veriut është në vendin e dytë sipas testeve të kryera në një milionë banorë.

/Telegrafi/