Nisin punimet për sistemin e ujitjes së tokave në Kolibar e Cërvicë të Kërçovës..(VIDEO)

Si duket zënkave të banorëve të fshatit Kolibar dhe Cërvicë për ujitjen e tokave bujqësore do t’u vijë fundi. Prej vitesh banorët e këtyre dy fshatrave kanë pasur probleme për ujitjen e të mbjellave, andaj çdo herë kanë kërkuar një sistem ujitje, gurthemeli i të cilit më në fund u vendos.

“Sistemi për ujitje përfshin 160 hektarë në tokat e këtyre dy fshatrave Cërvicë dhe Kolibar ky investim siguron ujë kualitativ dhe ujitje të rregullt të tokave bujqësore duke sjelle kultura produktive dhe bujqësi prodhuese. Uji vjen nga lumi i Zajazit i cili ka përqindje vjetore të ujit prej 1,51 litër ujë në sekondë”- deklaroi Lupço Nikolovski, Ministër i Bujqësisë.

Drejtor i Ndërmarrjes së Kullotave Nefruz Çeliku thotë se ka qenë kërkesë e kamotshme e banorëve dhe pas disa vitesh kërkesa po bëhet realitet.
“Është e domosdoshme për ata të cilët kanë vendosur të jetojnë këtu dhe ata të cilët merren me bujqësi dhe blegtori dhe është më se e domosdoshme që toka të ketë një sistem ujitje. Banorët edhe pse të kënaqur shpresojnë që fusha të punohet dhe të ketë njerëz për ta punuar dhe vaditur fushën.”- deklaroi Nefruz Çeliku, drejtor i Ndërmarrjes së Kullosave.

E banorët shpresojnë që të mbetet ndokush që do të punojë në këto toka.
“Nga kjo shpërngulje e madhe e rinisë së Kërçovës, ishalla gjendjet një modus që kjo popullatë ta ketë frymëmarrjen e tokës, frymëmarrjen e çdo produkti që prodhon me ujin që do të na vijë për vaditjen e tokës, rëndësia është e madhe interesi është i madh të shohim çfarë do të na sjellë ardhmëria ishalla gjenden njerëz që të punohet fusha”.

Kanali do të jetë i mbyllur dhe duhet të përfundojë për 18 muaj, kujtojmë se kohë më parë edhe në Zajaz u ndërtua kanal i hapur prej 2 km për ujitjen e tokave bujqësore.

VIDEO:

/tv21