Agjenda e shpopullimit masiv..

Dyndjet masive të popullatës nuk ndodhin pa agjendë.
Dhe agjendat për dëbimin e shqiptarëve janë formësuar fill pas Luftës së Dytë Botërore, më konkretisht pas planit ogurzi të Vasa Çubrilloviqit që u ngjiz në vitin 1957.

Mbi 1 milionë shqiptarë u përzunë kush me dhunë e kush me propagandë për në Turqi.
Pas prishjes së marrëveshjes ndërshtetërore me Turqinë u formësua agjenda e dytë në fillimin e viteve të 70-ta të shekullit të kaluar me hapjen e kufinjve të Jugosllavisē komuniste dhe po ashtu, me miliona shqiptarë sot i gjejmë të shpërndarë anembanë globit, kryesisht në Zvicër, Gjermani, ShBA, Itali, afrancë, Suedi, Norvegji, etj.

Agjenda e tretë ishte vënia e kuotës së lindjes për shqiptarët, duke na kufizuar në dy fëmijë. Vinin mjeku me dy infermiere në çdo vendbanim tonin dhe, pa fijen e turpit, pyesnin ku ka gra shqiptare me barrë.

Megjithatë, erdhi dita kur kemi shumë më shumë vdekje se lindje. Gjatë dy vjetëve të fundit, në Cërvicën time (me 500 shtëpi dhe rreth 2200 banorë të regjistruar) ka pasur mbi 50 vdekje dhe 0 lindje.

Kuota kishim madje edhe në arsimim, gjënë më elementare njerëzore.
Agjendat vazhduan dhe po vazhdojnë, derisa të shpërngulet edhe shqiptari i fundit nga këtu.

Vërtet sot në liri, por liria me deficit të madh të demokracisë, ku nuk çmohen liritë dhe të drejtat e njeriut, ku partizimi dhe klientelizmi po e bëjnë shtetin, po merr trajtën e robërisë së përhershme.

Në thelb asgjë nuk ka ndryshuar, përveç formës së agjendave, dikur të formësuara nga qarqet e huaja, sot nga dora jonë. Ajo dorë që duhet të na mbrojë, po na e bën të zezën më të madhe. Dhe, ne po e puthim të gjunjëzuar përtokë… Shkruan Dr.Prof Arbër Çeliku në faceook

/ms