Zjarr në termocentralin e Osllomesë..

Mbrëmjen e së shtunës ka rënë zjarr në termocentralin Osllomej, afër Kërçovës, mëson TV21.

Sipas informacioneve fillestare, njoftimi për zjarrin është marrë pak pas orës 20:00 dhe menjëherë në terren kanë dalë ekipet e njësisë territoriale të zjarrfikësve në Kërçovë.

Zjarri është shuar në mesnatë. Aktualisht nuk ka informacione për dëmet dhe në lidhje me atë nëse TEC Osllomej prodhon apo jo energji elektrike në këto momente.

Në ambientet ku ndodheshin turbinat kanë ndërhyrë 5 zjarrfikëse me 2 automjete.

Korrespondenti ynë nga Kërçova raporton se ajri në qytet është i ndotur dhe ka erë të keqe, por kjo nuk mund të konfirmohet pasi stacioni matës nuk dërgon të dhëna.

/tv21