Ankohen banorët e ish-komunës së Osllomesë! Duan më shum punsime..! (VIDEO)
Me hapjen e TEC “Ollomesë” ka pasur një marrëveshje me banorët e ish-Komunës së Osllomesë që kur të ketë vende të lira pune të informohen bashkësitë lokale dhe së bashku të vendoset se cili banor nga këto fshatra do të punësohet në termocentral.
Por bashkësitë lokale të fshatrave të ish-komunës së Ollomesë thonë se kjo marrëveshje së fundmi nuk po respektohet dhe se këtu po bëhen punësime partiake!
“Edhe pse kishim marrëveshje paraprake me TEC “Osllomenë” por ata nuk e mbajtën fjalën, se duhet që gjithmonë punësimet të jenë prej banorëve të kësaj ane, edhe tani kërkojmë sepse ne jemi më të dëmtuarit të gjithë punësimet që do të ndodhin në ketë Termoelektranë dhe tek fotovoltaikët e vendosura nga bullgarët ose grekët të jenë punësimet nga rrethi i kësaj ane sepse popullata e kësaj ane janë të dëmtuar andaj duhet të kenë përparësi gjatë punësimeve këtu në Termoelektranë dhe jemi konsultuar me bashkësitë lokale që vetë bashkësitë lokale të vendosin se cilët persona do të jenë të punësuar në këtë Termoelektranë sepse në jemi të dëmtuar jo të punësohen persona nga vendet tjera”, tha Feto Fetoja, kryetar i Bashkësisë Lokale.
Për këtë shqetësim të banorëve ne pyetëm tek TEC “Osllome”, por nga atje na thanë se nuk kanë kompetenca për punësimet duke na drejtuar që të pyesim tek Elekranata e Maqedonisë së Veriut. Drejtori i EMV, Vasko Kovaçevski thonë se punësimet bëhen në bazë të ligjit për marrëdhënie pune, ku çdo i punësuar duhet të plotësoj kushtet për punësim, si pozitë dhe shkollimin.
Mohon të ketë marrëveshje me shkrim për punësim në bashkëpunim me bashkësitë lokale të asaj ane.
“Nuk e di, nëse është ajo marrëveshje ka qenë kur është ndërtuar termoelktrana në sistemin e kaluar.
EMV-ja punon në bazë të ligjit për marrëdhënie pune, kur ka nevojë për punëtorë hapet konkurs tek i cili mund të aplikojnë të gjithë, nga Kërçova, Osllomeja, Popojani, Sërbica pra ashtu siç sillemi jo vetëm me Ollomenë por edhe me Manastirin, edhe për Shkupin, edhe me Kavadarin edhe për Mavrovën, pra ne hapim konkurs për vende pune dhe këtu mund të aplikojnë të gjithë”, pohoi Vasko Kovaçevski, drejtor i EMV-së.
Si nga termocentrali “Osllome”, njëjtë edhe nga EMV-ja nuk përmendin ndonjë marrëveshje me banorët e ish-komunës së Ollomesë. Shtojë se një marrëveshje e tillë nuk ekziston në letër në zyrat e tyre dhe një marrëveshje të tillë sipas EMV-së nuk e lejon as ligji për marrëdhënie pune. TEC “Osllome” momentalisht numëron 837 te punësuar, plus 85 të punësuar nëpërmjet agjencisë, si punësime te përkohshme.
VIDEO:
/tv21
