Kërçova ende nuk ka vendim për dritat e vitit ri..(VIDEO)

Pavarësisht krizës energjetike dhe rekomandimeve për kursim, Struga për festat e fundvitit do të dekorohet me drita, pra do të ndërpriten kufizimet për ndriçimin publik.

Qyteti do të ndriçohet pasi pritet një numër i madh turistësh. Arbresha Vlashi, kryetare e Këshillit komunal, thotë se edhe pse jemi ne krizë energjetike, qytetarët duan që Struga të zbukurohet.

“Kjo do të thotë se gjatë festave të Vitit të Ri dhe Krishtlindjeve qendra e qytetit do të ndriçohet dhe ne do të përshtatemi me atmosferën festive”- deklaroi Arbresha Vlashi, kryetare e Këshillit të Komunës së Strugës.

Nga ana tjetër, Komuna e Kërçovës do të ndjekë situatën me krizën energjetike, pas çka do të vendosë se si do të veprojnë në lidhje me restrikcionet për ndriçimin publik.

“Jemi duke ndjekur situatën me krizën energjetike, gjithçka varet se si do të jetë situata deri para festave të fundvitit, megjithatë mendojmë që për festat e fundvitit ta ndërpresim restrikcionin e ndriçimit publik.

Sa i takon dekorimit të qytetit, edhe këtë vit si vitet e kaluara nuk do ta dekorojmë, aq më pak këtë vit kur duhet të kursejmë më shumë.”- tha Fatmir Dehari, Kryetar i Komunës së Kërçovës.

Komuna e Strugës dhe e Kërçovës ka muaj që kursejnë energjinë elektrike. Është fikur ndriçimi publik, për çka ka pasur edhe reagime të qytetarëve, ndërsa janë bërë dhe ankesa administrative.

VIDEO:

/tv21