Kërçovari Dr.Murat Sadiku i bashkohet Aleancës
Mirë se erdhe!
Mirë se vjen Dr.Murat Sadiku në Aleancën për shqiptarët, Aleancën e dijes dhe guximit.
Dr. Murat Sadiku është Profesor ordinar në fushën e matematikës aplikative në Universitetin e Evropës Juglindore, ligjëron lëndë të matematikës në Fakultetin e Biznesit dhe Ekonomisë si dhe në Fakultetin Shkencave Kompjuterike.
Dr. Murat Sadiku ka kryer shkollën fillore në fshatin Tuhin, komuna e Kërçovës. Dy vitet e para të gjimnazit i ka kryer në Kërçovë në drejtimin Matematikë-Fizikë, mirëpo për arsye të mbylljes së paraleleve në gjuhën shqipe, dy vitet tjera i vazhdon në gjimnazin e Gostivarit në drejtimin Matematikë-Informatikë.
Studimet themelore i ka kryer në Universitetin e Prishtinës në vitin 1991 në Fakultetin e Shkencave Matematiko-Natyrore në Departamentin e Matematikës. Studimet e magjistraturës i vazhdon në po të njëjtin fakultet dhe fiton gradën shkencore Magjistër i Shencave të Matematikës.
Studimet e doktoraturës i ka kryer në Universitetin e Evropës Juglindore në Departamentin e Shkencave Kompjuterike me temë “Algoritmet për shpejtimin e konvergjencës së serive me anë të operatorëve të tipit të Eulerit”, ku merr titullin shkencor doktor i shkencave kompjuterike në fushën e matematikës aplikative.
Karriera e Dr.Murat Sadikut fillon në Prishtinë, pastaj si nevojë e madhe e një profesori të diplmuar të matematikës në Kërçovë, ai në vitin 1992 kthehet në Kërçovë për të dhënë kontribut si profesor i matematikës në gjimnazin e Kërçovës, ku punon 4 vite, pastaj vazhdon karrieren univeristare nga viti 1996 si asistent dhe pastaj si ligjërues në Fakultetin e Shkencave Matematiko-Natyrore në Universitetin e Tetovës deri në vitin 2001. Nga fillimi i vitit 2002 e deri tani, Prof.Dr.Murat Sadiku vazhdon karrierën akademike në Universitetin e Evropës Juglindore.
Prof.Dr. Murat Sadiku shquhet me një karrierë akademike 30 vjeçare. Ai ka marrë pjesë në mbi 40 konferenca shkencore kombëtare dhe ndërkombetare dhe ka botuar mbi 20 punime shkencore në revista ndërkombetare.
Gjithashtu është anëtar i disa projekteve hulumtuese ndërkombëtare të financuara nga Unioni Evropian. Nga viti 2008 deri në vitin 2010 ka qenë në pozitën e Pro-Dekanit në Fakultetin e Biznesit dhe Ekonomisë, pastaj kryetar i komisionit për cilësi, dhe koordinator per studime të doktoraturës pranë këtij fakulteti.
Poashtu ka qenë anëtar i komisionit të maturës shtetërore për matematikë në Ministrinë e Arsimit dhe Shkencës dhe një varg angazhimesh tjera profesionale në Universitete të ndryshme si profesor vizitues në vend dhe jasht vendit.
Prof.Dr. Murat Sadiku është i martuar dhe ka dy fëmijë, Genitën dhe Arijonin.
Shkruan Dr. Genc Selmani në facebook
/ms
