Maqedonia patjetër t’i zbatojë reformat nëse dëshiron Evropën..

Mos tregimin e një qëndrimi për një javë të tërë për propozimin francez për rregullimin e marrdhënieve mes Bullgarisë dhe Maqedonisë së Veriut i ka përkeqësuar punët.

Këtë për BGNES e ka deklaruar deputetja e GERB, Ekaterina Zaharieva, ish ministre e punëve të jashtme, informon Zhurnal.

“Kjo pasiguri në Bullgari, e patë sa ditë heshti. As në seancë të komisionit për punë të jashtme nuk kishte qëndrim Qeveria e Kirill Petkovit. Kjo i përkeqësoi punët dhe ishte një gabim, duheshte të veprojmë pak më shpejtë dhe më me përgjegjësi”, tha ajo.

Zaharieva ka tërhequr vëmendjen në votimin e djeshëm, ku u shqyrtuan tre propozimet e dorëzuara nga GERB, DPS dhe DB.
Ajo foli edhe për refuzimin e palës maqedonase për propozimin francez.

“Koj është edhe një dëshmi se kjo kornizë negociuese dhe pakoja e arritur janë të mira. Kjo nuk është hera e parë që politikanët në Maqedoni të luajnë dhe të përpiqen t’i fërkojnë duart.

Së pari kishte reagim të ashpër nga opozita, kishte protesta nga VMRO-DPMNE. Tani shihet nga Qeveria, e cila u përforcua pas deklaratës të mërkurën të liderit të GERB, Bojko Borisov, se do të mbështesë propozimin francez”, deklaroi ajo.

Duke komentuar gjendjen në Maqedoninë e Veriut, Zaharieva tha se tranzicioni ndaj demokracisë funksionale nuk është proces i lehtë.

“Kjo është edhe një dëshmi se kishim të drejtë, kur në mars të vitit 2020 vendosëm që të ndodhin reformat në Maqedoninë e Veriut, duhet të bëhen pjesë e negociatave. Duan apo nuk duan në Shkup, duhet patjetër t’i zbatojnë reformat nëse duan të hyjnë në BE”, tha Zaharieva.

/Zhurnal.mk