Në Gjermani në të ardhmen më lehtë deri tek qëndrimi i përhershëm..

Të huajt të cilët jetojnë në Gjermani pesë e më shumë vite në bazë të të ashtuquajturit “dulldung” ose qëndrim të toleruar dhe të cilët janë të integruar mirë në shoqëri, në të ardhmen duhet të marrin të drejtë plotësisht të rregulluar të qëndrimit, paralajmëroi ministrja gjermane e Punëve të Brendshme, Nensi Fezer.

Propozim-ligji me ndryshime në rregullativë duhet të përgatitet para pushimeve të verës, ndërsa në të, sipas Fezer, do të ketë lehtësim për forcën e kualifikuar të punës në mesin e emigrantëve.

Njëkohësisht, me të do të jetë më i lehtë dëbimi i atyre të cilët e kanë humbur të drejtën e qëndrimit.
Gazeta gjermane “Shpigel” njofton se në vend për momentin ka më shumë se një qind mijë persona të cilët pesë ose më shumë vjet jetojnë në Gjermani pikërisht me qëndrim të toleruar.

Ato persona nuk kanë status të rregulluar të qëndrimit, dhe prej atje nuk mund t’i realizojnë të gjitha të drejtat e tyre, për çka planifikohet që t’iu lehtësohet rruga për vizën për qëndrim.

/koha.mk