Gjermani, ndryshoi emrin për t’i ikur dënimit, 29-vjeçari përfundon në burg !

Sipas mediave gjermane, ngjarja ka ndodhur të martën, më 27 tetor, rreth orës 20:15, në afërsi të qytetit Füssen, në Bavari.
Gjatë kontrollit, zyrtarët e Policisë Kufitare të Pfrontenit kishin vërejtur mospërputhje në të dhënat personale të 29-vjeçarit, çka kishte nxitur verifikime të mëtejshme.

Nga kontrolli rezultoi se shqiptari kishte ndryshuar emrin, ndërsa me identitetin e tij të mëparshëm figuronte një urdhërarrest për ekzekutimin e një dënimi lidhur me shkeljen e ligjit gjerman për narkotikët.

Pas identifikimit të urdhërarrestit, policia e ka dërguar 29-vjeçarin në një institucion korrektues për të vuajtur pjesën e mbetur të dënimit.Autoritetet nuk kanë specifikuar kohëzgjatjen e dënimit që i kishte mbetur për të vuajtur, ndërsa rasti është raportuar më 28 tetor.

/Urgjent