Nis puna për stadiumin “e harruar” të Zajazit..! (VIDEO)
Pas shumë premtimesh, përfundimisht filluan punimet në stadiumin e Zajazit.
Në fillim ishte funksional, pastaj u shndërrua në deponi mbeturinash. Rikonstruktimi njëherë filloi në vitin 2011, e pastaj u harrua se ekziston.
TV21 për herë të parë e ngriti si çështje në vitin 2020 dhe që atëherë vazhdimisht ka raportuar dhe ka kërkuar llogari nga institucionet për gjenden e mjerueshme të stadiumit.
Në nisjen e punëve, zëvendësdrejtori i Agjencisë për Rini dhe Sport, Amir Bilalli tha se që në momentin që ka marrë detyrën dhe ka parë strojen në TV21 është angazhuar për realizimin e premtimit.
“Kemi bashkëbiseduar shpesh, në bashkëbisedimin e parë ju kam dhënë një fjalë që patjetër stadiumi Zajazit të fillohet këtë vit, jo që ishte premtimi im por realisht ka qenë një nevojë e kah moçme e gjithë qytetarëve të Zajazit që të kenë një stadium adekuat dhe një stadium modern”, deklaroi Amir Bilalli, zv/drejtor i Agjencisë për Rini dhe Sport.
Kompanisë që ka fituar tenderin, i është dhënë afat 6-mujor për përfundimin e projektit, por mbikëqyrësi i punimeve në koordinim me kompaninë në fjalë thotë se punimet do të përfundojnë brenda tre muajsh.
“Sipas mendimit tim, kështu si kanë filluar punimet, afati është 6 muaj por mendoj se do të jetë më shpejtë, të mos e teproj por kështu siç punohet për 2 ose 3 muaj do të jetë i përfunduar, në bazë të asaj që po zhvillohet në teren deri më tani”, tha Lubomir Terzioski, mbikëqyrësi kryesor i punimeve.
Kryetari i Kërçovës, Fatmir Dehari, tha se ky investim është i rëndësishëm për banorët e kësaj ane.
“Për realizimin e përfundimit të kësaj faze të ndërtimit të fushës dhe objektit të stadiumit dhe pa dyshim pastaj mbeten edhe punë të tjera për ne si institucion bashkë me institucionet tjera përkatëse siç është Federate e Futbollit për të vazhduar ta plotësojmë me vlera shtesë këtë stadium”, deklaroi Fatmir Dehari, kryetar i komunës së Kërçovës.
Stadiumi i Zajazit po investohet me mjete të Agjencisë për Rini dhe Sport dhe vlera punimeve është 130 mijë eurove, për fushën dhe objektin.
VIDEO:
/tv21
