Eksperti Kërçovar Pjesëmarrës Në Kursin Specializues Në Kazakistan

Maqedonia përfaqësohet nga dy ekspertë në kursin specializues për politika tregëtare ndërkombëtare, që këtë vit nën organizimin e Organizatës Botërore të Tregtisë, me seli në Gjenevë,e cila organizohet në Kazakistan.

Në specializimin dedikuar përfaqësuesve të qeverive të vendeve anëtare të Organizatës Botërore të Tregëtisë nga Evropa Qendrore dhe Lindore, Azia Qendrore dhe Kaukazi, që mbahet në Almati, Kazakistan nga 3 prilli deri më 27 maj 2017, si pjesë e një grupi prej 23 ekspertësh marrin pjesë Naim Vrenezi, udhëheqës departmenti dhe zëdhënës i Ministrisë së Ekonomisë dhe diplomati i karrierës Kërçovari Burim Bilalli, nga Drejtoria për diplomaci ekonomike në Ministrinë e Jashtme të Maqedonisë.

Kursi është organizuar nga Organizata Botërore e Tregtisë në bashkëpunim me Universitetin e Biznesit Ndërkombëtar në Almati dhe Qendrës për zhvillimin e politikave tregtare të Qeverisë së Kazakistanit.
Kursi mbulon çështjet e anëtarësimit të shteteve në OBT, tregtinë ndërkombëtare të mallrave, tregtinë e shërbimeve dhe pronës intelektuale. Ky program përfshin simulim për negociata në tregti në mënyrë që pjesëmarrësit të specializojnë teknikat negociuese.

Kursi për politika tregëtare u hap nga zëvendës drejtori general I OBT-së, Xiaozhun Yi dhe zëvendësministri i Ekonomisë nacionale të Kazakistanit Timur Zhakslykov.

/TetovaSot/