Kërçovë donatorët dhe të rinjtë me vetiniciativë gëzojnë skamnorët..(VIDEO)

Vazhdon edhe këtë vit shpërndarja e iftareve në qendër të Kërçovës tek Berza.
Personat me të ardhura të ulëta edhe këtë vit u furnizuan me ushqim gjatë muajit të Ramazanit.

Bamirësit dhurojnë, ndërsa këta të rijnë me vetë iniciativë mblidhen çdo natë i përgatisin dhe i shpërndajnë. Disa i përgatisin në zgarë të freskëta, ndërsa të tjerët i paketojnë dhe i shpërndajnë.

“Njëjte si vitin e kaluar edhe këtë vit vazhdon tradita e iftareve në qendër të Kërçovës, grupi i të rinjve të cilët edhe vjet e mbajtën këtë aktivitet edhe sivjet gjatë gjithë muajit të Ramazanit çdo natë japin iftare për skamnorët, për njerëzit në nevojë, ata nëpërmjet donatorëve mbledhin mjete i përgatisin iftaret dhe presin që njerëzit të vijnë ti marrin nga këtu, çdo natë ata japin nga 300,400 deri në 500 iftare, varet nga nevoja”, raporton gazetarja e TV21, Salije Sadiku.

Por jo vetëm kaq, këta të rijnë nëpërmjet donatorëve, afaristëve dhe mërgimtarëve kërçovarë do të ndërtojnë 15 shtëpi për jetimët dhe skamnorët. Toka është siguruar nga familja Zejnoski të cilët dhuruan 3000 m2 për ndërtimin e shtëpive.

“Më të vërtet do të mundohemi të jemi pran tyre që lotin e hidhërimit, lotin e dëshpërimit ta kthejmë në lot gëzimi, fal ikonës së shqiptarëve të Ballkanit Halil Kastrati, fal bamirësve. Është për ta cekur këto ditët e fundit nuk është duke u ndalur telefoni nga mbështetja shumë e madhe nga diaspora Zvicra, Amerika, Gjermania, Austria dhe afaristët kërçovarë.

E theksova para do ditësh ishte një lajm shumë i gëzueshëm ku nga ana e afaristit Euro Uka që na siguroi për 15 shtëpi keramikë dhe sanitari për çdo shtëpi, si dhe një person tjetër që është në krye të federatës Muhamed Sejdini i cili nuk na la asnjëherë vetëm”, tha Shkodran Alili, organizator.

Përveç iftareve në qendër të qytetit ata kanë marrë iniciativë edhe për shpërndarjen e pakove ushqimore nëpër fshatrat e Kërçovës.
“Kemi familje në qytetin tonë dhe nëpër fshatra që janë shumë të varfër. Ne çdo pako e kemi marr dhe ua kemi dërguar deri tek dera e shtëpisë, mundohemi të ndihmojmë ose tu dalim përkrah atyre njerëzve sa më shumë. Nuk duhet t’i lëmë vetëm ata janë pjesë e jona, janë familjarët tonë janë qytetarët tonë, çdo gjë shkon më mirë se sa që ne e kemi menduar, kështu që ne do të vazhdojmë”, shton Burim Sejdini, aktivist.

Humanizmi i kërçovarëve nuk është vetëm për muajin e Ramazanit, por në vazhdimësi. Siç dihet një numër i madh i qytetarëve kërçovarë janë në mërgim, e ata nuk ndalen asnjëherë duke ndihmuar bashkëqytetarët e tyre në vendlindje.

VIDEO:

/tv21