Në Bernë të Zvicrës vritet një 20-vjeçar, arrestohet 18-vjeçari..

Në lidhje me vrasjen e së premtes mbrëma në Bernë, është konfirmuar dyshimi ndaj një personi që u ndalua gjatë kontrollit të parë

Në vazhdën e masave të para hetimore dhe kërkimore pas sherrit të së premtes në mbrëmje, 8 prill 2022, në Bernë, kur një person mbeti i plagosur për vdekje, të shtunën u ndaluan disa persona që dyshohet se ishin të përfshirë, tre burra dhe një grua.

Pas marrjes në pyetje të para dhe vlerësimit të informatave, u vërtetua dyshimi ndaj një 18-vjeçari me shtetësi somaleze. Ai ndodhet në paraburgim. Personat e tjerë u liruan të shtunën.

Sipas hetimeve aktuale, i dyshuari dhe viktima e tij e mëvonshme u grindën në stacionin e autobusit Stadthalterstrasse, informon portali Shtegu.

Viktima ka pësuar disa plagë me thikë nga të cilat më pas ka humbur jetën në spital, pavarësisht ndihmës së shpejtë të menjëhershme nga kalimtarët. Më pas i ndjeri është identifikuar. Bëhet fjalë për një somalez 20-vjeçar që jeton në Kantonin e Bernës.

Nga Policia e Kantonit të Bernës janë duke u zhvilluar hetime të mëtejshme gjithëpërfshirëse nën drejtimin e zyrës së prokurorit publik rajonal Bern-Mittelland, veçanërisht për sfondin e mosmarrëveshjes dhe armës së vrasjes.

/shtegu.com