Aftësitë e Armatës së Maqedonisë nuk janë vetëm fjalë në letër..

Ministrja e Mbrojtjes, Sllavjanka Petrovska pas stërvitjes SHKËNDIJA 22 në poligonin Krivollak tha se Armata e Republikës së Maqedonisë tregon në vepër se është e aftë dhe e motivuar dhe se funksionon sipas standardeve më të larta të NATO-s.

“E kemi parë armatën tonë të NATO-s. Kemi parë që aftësitë e Armatës nuk janë vetëm fjalë në të folur, nuk janë vetëm fjalë në letër. Kjo është një arritje e madhe e Armatës për të cilën jam veçanërisht krenar.

Profesionalizmi dhe përkushtimi i Armatës sonë sot mori një tjetër vulë. Batalioni ynë i lehtë i këmbësorisë, i cili vlerësohet si i aftë për të kryer misionin e tij sipas standardeve më të rrepta të NATO-s, nën monitorimin e vëzhguesve me përvojë të Aleancës së NATO-s.

Tetëdhjetë e pesë përqind e vlerësuesve vendas janë të certifikuar sipas standardeve më të larta të Aleancës, të cilat e tejkalojnë shumë standardin e NATO-s prej 50 përqind të vëzhguesve vendas të certifikuar.

Kjo tregon se Armata vazhdimisht zhvillohet, i ndërton kapacitetet e saj, investon në profesionistët e saj”, tha Petrovska, duke i përgëzuar pjesëtarët e Batalionit të lehtë të këmbësorisë për detyrën e kryer në mënyrë të shkëlqyer dhe vlerësuesit që zgjuan admirimin e kryevëzhguesit të NATO-s, nënkolonelit Tino Kolman.

Aj i falënderoi aleatët e SHBA-së dhe të Mbretërinë së Bashkuar, të cilët e kanë ndihmuar shumë këtë batalion që të përfitojë performanca të këtilla dhe të fitojë vlerësime të këtilla të larta.

Ministrja Petrovska sqaroi se batalioni është njësiti i parë i madh, i cili është vlerësuar sipas standardeve të NATO-s pas anëtarësimit të shtetit tonë në Aleancë.

Petrovska ishte decide se Krivollaku është me të vërtetë kapacitet i jashtëzakonshëm, në të cilin investojmë edhe kohë edhe energji dhe mjete. Para të pranishmëve u drejtua edhe shefi i Shtatmadhorisë së Armatës, gjeneral-nënkoloneli Vasko Gjurqinovski.

/tv21