Alternativa – dega Kërçovë: Fshatrat e rretheve nuk janë vetëm për zgjedhje kryetar..

Duke u nisur fillimisht nga përgjegjësia individuale por edhe nga ajo grupore si pjesë të Alternativës dega në Kërçovë, rikujtojmë kreun e komunës z. Fatmir Dehari se nuk është mandati juaj i parë kryetar por i treti.

Obligimi juaj për të zgjidh problemin e banorëve të qytetit me hedhjen e mbeturinave nuk daton nga dje.

Dhe sikur të mos ishte mjaft që në të kaluarën banorëve të fshatrave të rretheve fillimisht u është konfiskuar toka pastaj edhe janë helmuar me dekada tani u shtohen edhe probleme tjera si ajo e hedhjes së mbeturinave, shkatërrimi i rrugëve dhe ndotja e ambientit nga kamionët që transportojnë qymyr në termocentralin e Osllomesë.

“Ju dua me punë” ishte slogani juaj kryetar në zgjedhjet e fundit lokale. Për cilat punë e kishit fjalën kryetar? Ku mbeti “agjenda e gjelbër” apo si gjithmonë vetëm propagandë politike. Sepse kështu nuk duhet populli e aq më pak ju duan ata për kësi punësh.

Populli ju do kur ju do mbroni interesat e tyre dhe do mbroni dhe luftoni çdo dukuri negative, duke qenë në krah të tyre, aq më shumë që edhe vetë ju vini nga ajo anë dhe janë bashkëfshatarët tuaj por edhe shumë familjarë tuaj që ende vazhdojnë të jetojnë atje dhe ata dhe gjithë ne meritojmë të jetojmë në ambient të pastër dhe të shëndoshë.

Ftojmë kryesusin e këshilit z. Skender Xhabiri që të shtrojë ndikimin e tij në këshill dhe të ndërmarrë të gjitha hapat që janë në kopmetencën e tij që ky problem të zgjidhet. Sigurisht se problemi me mbeturinat nuk zgjidhet për një ditë por neglizhenca kryetarit për dy mandate tregon për mos seriozitetin me të cilin i është qasur këtij problemi aq më shumë që edhe tani në këto momente nuk ofron zgjidhje adekuate.

Përplasja dhe akuzat që i bën një fshati të tërë është ajo që më së paku duhet ta bëjë. Në vend se të solidarizohet dhe të kërkojë mbështetje nga të gjithë qytetarët që me përkrahjen e tyre të arrijë të bëjë presionin e duhur në qeveri të gjendet zgjidhe afatgjate ai konfrontohet dhe akuzon ata për politizim.

Gropat e xeherores Osllome kanë qenë dhe vazhdojnë të mbesin obligim edhe ligjor për tu rrafshuar nga TEC Osllome dhe kjo duhej bërë shumë moti, me çka tani më liqeni i krijuar duke rregulluar tokën përreth mund të shndërrohej në një park fantastik. Gjithashtu duke rrafshuar tokën ju duhet të ktheni rrugën që lidh qytetin me fshatrat në trasenë e vjetër që do ish më e shkurtës se aktualja dhe do ndikonte në zvogëlimin e harxhime te banorëve të asaj ane.

Kryetar, nuk janë vetëm Garana-Strellca që ballafaqohen me këtë problem janë të gjitha fshatrat e asaj ane si Cërvica, Shitova, Premka por edhe Sërbica, Zhubrina, Haranjelli me të cilat siç të gjithë e dimë ju keni nënshkruar marrëveshje dhe nuk besojmë që aq lehte mund t’i ikni përgjegjësisë sidomos në këtë rast kur e drejta është në anën e tyre.

Prandaj dijeni se të gjithë banorët edhe të fshatrave tjera janë me ta, të gjitha partitë pa përjashtim e këtu sigurisht nuk e harroj as edhe subjektin nga vini ju dhe për këtë do të bindeni shumë shpejt.

Ky problem bashkë me atë të qenve endacak kërkojnë zgjidhje të menjëhershme dhe nëse ju nuk i zgjidhni ju pret rebelim gjithë popullore nga të gjitha subjektet prandaj këtë paralajmërim merreni seriozisht.
Alternativa – dega Kërçovë
31.03.2022

/ms