Kërçovari Destan Adili shënon në ndeshjen e parë për Maqedoninë e Veriut..

Ndeshjet e para gjithmonë mbahen mend dhe kujtohen gjatë, e për ta kujtuar do të jetë edhe ndeshja e parë e futbollistit shqiptar, Destan Adilit, i cili debutoi me gol në ndeshjen e parë të karrierës, me përfaqësuesen U17-të të Maqedonisë së Veriut.

Adili u inkuadrua në pjesën e dytë në ndeshjen kundër Maltës, të zhvilluar në Shkup dhe vetëm pas 5 minutash, anësori i Rabotniçkit, shënoi një gol të mrekullueshëm, duke kaluar tre futbollistë, portierin dhe dy mbrojtës.

Goli erdhi në minutën e 65-të, si gol i barazimit.
Ndeshja e mbyll me rezultat të barabartë, 1:1.

Ka qenë emisioni Sporti Shqiptar në Mërgim, që për herë të parë ka folur për futbollistin kërçovar, Destan Adilin, i cili gjatë verës së shkuar, qëndroi në Zvicër për t’u përgatitur me trajner personal, me Shtefan Kohlerin, ish futbollistin e Zvicrës.

/radiovala.com