Pagesat rrugore të Maqedonisë më të lartat në Europë..

Qytetarët tanë paguajnë çmime ndër më të lartat në Evropë për rrugët, të cilat shumica janë me gropa, shkruan Alsat.
Në rast se një banor i Velesit punon në Shkup, vetëm për pagesë në pikat pagesore brenda një vitit do të harxhojë 58.000 denarë, një banor i Tetovës 39.000, ndërsa në rast se udhëtoni nga Gostivari për në Shkup, taksa rrugore do t’ju kushtoj 68.000 denarë, Kumanovë-Shkup, 48.000 denarë.

Në këtë shumë nuk përfshihen ditët e fundjavave dhe festat shtetërore, nëse udhëton edhe gjatë këtyre ditëve do të paguani shtesë.

“Në rast se punoni në ndonjë qytet tjetër dhe të udhëtoni në Shkup çdo ditë, atëherë i bie që të paguani tri paga minimale gjatë gjithë vitit vetëm për pagesat rrugore.

Këto janë ankesat e qytetarëve, të cilët udhëtojnë çdo ditë dhe ankohen për kushtet e rrugës dhe asfaltin e amortizuar që është në të gjitha rrugët shtetërore të vendit”, raporton gazetari i Alsat, Adnan Qaili.

“Udhëtoj çdo ditë dhe pagesat rrugore që i bëjnë nuk përkojnë me rrugët siç janë. Janë katastrofë, vetëm ajo e reja për Strumicë është OK, asnjë tjetër nuk bën”, thotë një qytetare.

“Paguajmë dhe vozitemi në rrugë të prishura, kjo është s’kam çfarë ju them tjetër”, shprehet një qytetar tjetër.
Nga Drejtoria e Ndërmarrjes Publike “Rrugët Shtetërore” thonë se qytetarët paguajnë nga 2,56 denarë për çdo kilometër të kaluar, ndërsa gjatë vitit të kaluar në total janë grumbulluar 46 milion euro.

Drejtuesi i këtij institucioni thotë se nuk pritet të ulen çmimet e pikave pagesore e as të ketë pagesa të llojit “vinjeta”. E vetmja mundësi për të kursyer është të shmangin autostradat ose të marrin kartela elektronike të vlefshme vetëm për Korridorin 10.

“Në bazë të këtyre pajisjeve që janë M-card dhe pajisja elektronike TAG kemi edhe lirime të caktuara, varësisht nga ajo se sa bëhet rimbursimi i tyre duke filluar nga 2-7%. NË vitin 2021 nga ardhja ime kemi një arritje të jashtëzakonshme duke grumbulluar 46 milion euro”, thotë Ejup Rrustemi, Drejtor i N.P. “Rrugët Shtetërore”.

Një vit pagesa rrugore Tetovë-Shkup kushton sa 10 vite në Bullgari! Sipas hulumtimit të “Prizma-s”, në shumë vende evropiane ku përdoren vinjetat për një vit kushtojnë prej 4.000 deri në 10.000 denarë për vozitje të pakufizuar në gjithë territorin e vendit përkatës.

Hungari: 146 euro për një vit
Austri: 109 euro për një vit
Bullgari: 60 euro për një vit

VIDEO:

https://www.youtube.com/watch?v=dOuFZTQwsSA

/alsatm