Kërçovari Xhelil Asani nis një kapitull të ri, themelon agjenci për menaxhimin e futbollistëve

Kërçovari  Xhelil Asani nis një kapitull të ri, themelon agjenci për menaxhimin e futbollistëve

Futbollisti nga Kërçova, Xhelil Asani, në moshën 31-vjeçare vendosi të tërhiqet nga futbolli aktiv, duke befasuar me vendimin e tij, pasi ishte ende nën kontratë me skuadrën Asia Talas në Kirgistan. Vendimi lidhej me planet e tij për të ardhmen, të cilat vazhdojnë të jenë të lidhura me futbollin.


Këtë e konfirmoi edhe sot përmes një publikimi në rrjetet sociale, ku prezantoi logon e agjencisë së sapoformuar “AI31 Football Agency”, e cila do të merret me përfaqësimin dhe menaxhimin e futbollistëve.

Me përvojën e fituar gjatë karrierës dhe kontaktet e krijuara në disa shtete, përmes paraqitjeve të tij dhe rrjetit të njohjeve në botën e futbollit, Asani synon të nisë një rrugëtim të ri në fushën e menaxhimit dhe transferimeve të futbollistëve.


/sportmania

 




>