Kërçovë: Mbi 40 tonë kripë janë hedhur në rrugët me borë..

Pas reshjeve intensive të borës së djeshme në rajonin e Kërçovës, komunikacioni në të gjitha rrugët që vijnë për dhe nga Kërçovë është i vështirësuar.

Ekipet e filialit të “Makedonija Pat” në Kërçovë janë në terren për të siguruar mbarëvajtjen e komunikacionit.

Kryetari i Degës së “Maqedonia Pat” Zoran Markoski thotë se vetëm në vendkalimin Strazhë dhe Presekë është i ndaluar qarkullimi për mjete të rënda.

Bora e cila ka rënë që në mëngjes herët në rajonin tonë dhe e cila ka arritur lartësinë deri në dyzet centimetra, ka krijuar mjaft probleme në qarkullimin.

Për të lehtësuar transportin e automjeteve dhe autobusëve të udhëtarëve, përveç pastrimit të rregullt të rrugëve për Gostivar, Ohër, Manastir dhe Prilep, kemi hedhur mbi 40 tonë kripë industriale dhe 70 metër kub zhavorr dhe rërë në rrugë. , tha Markoski.
Sipas Markoskit, komunikacioni në këtë rajon zhvillohet në kushte dimërore, por pa vonesa.

/tv21