Objekti pa leje në Kërçovë nuk po rrënohet! Banorët ankohen..(VIDEO)

Kjo është lagja “Balla Mhalla” e Kërçovës, vendi i vjetër i qytetit ku veprojnë dhe zanatçinjtë.
Në këtë pjesë të qytetit është ndërtuar ky objekt në vendin e paraparë për rrugën “Ohridska” e cila të çon në rrugën “Marshall Tito”.

TV21 disa herë ka raportuar për shqetësimin e banorëve për këtë objekt, i cili u ndërtua në qershor të vitit të kaluar.

Objekti në fjalë është ndërtuar pa leje, në pronë publike dhe në vend të veçantë të shpallur si trashëgimi kulturore nga Ministria e Kulturës.

Këtë e ka pohuar edhe vetë kryetari i Komunës së Kërçovës Fatmir Dehari i cili thotë se nuk kanë të drejtë të ndërmarrin masa, sepse me këtë problematikë duhet të merret Inspektorati i Ndërtimit.

Banorët vazhdojnë të pohojnë faktin se objekti i ndërtuar pa leje ka bllokuar rrugën e lagjes dhe ka prishur autenticitetin e Çarshisë së qytetit.
“Siç e shihni objekti është ende këtu, ne nuk kemi parë asnjë të vijë deri më tani, as nga komuna, as nga instancat shtetërore, inspektorati, gjithçka mbeti status quo dhe çfarë po ndodh ne nuk e dimë”, tregon Kosta Galimanovski, banor.

Institucionet ja hedhin topin njëra tjetrës. Komuna thotë se është e Ministrisë Kulturës, në hartën e kadastrës del se i takon Republikës së Maqedonisë.
“Inspektori thotë se nuk është kompetent për këtë pjesë, sepse kjo është e Ministrisë së Kulturës, ndërsa këtu shkruan se është pronë shtetërore dhe vijmë në një mëdyshje se a i takon Republikës së Maqedonisë apo Ministrisë së Kulturës, por kur hap hartën në kadastër del se i takon RM”, tregon më tej Galimanovski.

Anfangen, 600€/Tag zu erhalten? Probieren Sie es einfach aus
Avokati Arian Imeri thotë se disa herë është lajmëruar deri tek Inspektorati në Shkup si me shkrim ashtu edhe nëpërmjet telefonit, por që nuk mund të bie në kontakt me institucionin në fjalë. Ai pohon se nga dita e hënë do të alarmojë situatën deri në instancat më të larta shtetërore dhe ambasadat e huaja.

“Nga ana jonë është bërë kërkesë deri te inspektorati shtetërorë për urbanizëm Shkup nga ku edhe sot e kësaj dite nuk kemi përgjigje, kështu që më datë 14.12.2021 gjithashtu kemi dorëzuar urgjencë për të marre përgjigje por përsëri inspektorati shtetërorë për urbanizëm Shkup heshte.

Deri te ky inspektorati kemi kërkuar ne telefon por nuk e hapin telefonin. Për të njëjtën objekt pa leje ka edhe lëndë në prokurorin e Kërçovës ku edhe prej atje nuk kemi përgjigje deri ku është procedura.

Nga e hëna më datë 31.01.2022 , ne do ti paraqesim kërkesat tona deri te Ambasadat e huaja, Kryeministrin ku si dëshmi do te jepen edhe kërkesat që janë të drejtuara neper institucionet nga ana jonë dhe s’kemi përgjigje dhe për të njëjtën lënde do vazhdojmë deri në përfundimin e rastit apo deri kur objekti ndërtuar pa leje te hiqet”, tregoi avokati, Arian Imeri.

Në shtator të vitit të kaluar TV21 kontaktoi inspektoratin shtetëror të ndërtimit në Shkup. Nga atje na thanë se po punohen për lëndën në fjalë dhe se shpejti do të dilet në terren, por edhe pse kanë kaluar disa muaj banorët dhe avokati thonë se nuk është ndërmarrë asgjë. Bashkësia lokale e kësaj lagje i tha TV21 se do të marrin hapa më konkretë nëse nuk gjendet zgjedhje dhe hapi i radhës mund të jetn edhe protestat .

VIDEO:

/tv21