Kërçovë: Ngriu liqeni i Osllomesë..
Temperaturat jashtëzakonisht të ulëta, të cilat në rajonin e Kërçovës zbresin deri në minus 15 gradë, ndikuan në ngrirjen e liqenit të Osllomesë.
Shoqata e peshkimit sportiv (BC) “Hunter Fish” beson se stoku i peshkut nuk është i rrezikuar sepse trashësia e akullit nuk është e madhe, dhe liqeni është i thellë.
Sipas kryetarit të Shoqatës, Besmir Elezi, pritej që liqeni të ngrinte.
Për shkak të temperaturave jashtëzakonisht të ulëta, liqeni i Osllomesë pritej të ngrijë. Trashësia e akullit është disa centimetra dhe nëse parashikimet e meteorologëve realizohen në ditët në vijim, pritet që temperaturat të rriten, gjë që do të lejojë shkrirjen e akullit, thotë Elezi.
Ai është shprehur optimist dhe ka theksuar se edhe nëse akulli qëndron për një kohë të gjatë në sipërfaqen e liqenit, nuk ka asnjë rrezik për rezervat e peshkut në liqen.
Për shkak se liqeni i Oslomejt është mbi 40 metra i thellë, lejon që stoku i peshkut të jetë i sigurt. Gjithashtu, sasia e madhe e ujit dhe ngrirja e pjesshme, lejojnë që liqeni të ketë vazhdimisht oksigjen të mjaftueshëm, gjë që kontribuon që stoku i peshkut të jetë në gjendje të mirë.
Por, pres që në ditët në vijim sipërfaqja e ngrirë të shkrihet ngadalë dhe së shpejti liqeni të jetë pa akull dhe peshqit të ekzistojnë pa asnjë rrezik, shton Elezi.
/tv21