Komuna e Kërçovës ja sa do ta ketë buxhetin për vitin 2022.. (VIDEO)

Kryetari i Kërçovës Fatmir Dehari, tha se mbi 1 milion euro janë për rrogat e të punësuarve në Komunë, mëditjet e këshilltarëve dhe punëtorët vjetor social.

“Buxheti për vitin 2022 bazuar në të gjitha parimet kap shifrën e 14 milionë e 836 mijë eurove, nga të cilat 6.5 milionë afërisht bëjnë pjesë në buxhetin themelor, dhe 8 milionë e diçka mijë euro janë bllok dotacionet e shkollave fillore dhe të mesme, pastaj kemi aktivitete vete financiare dhe kemi donacione dhe kreditë” , tha Fatmir Dehari, kryetar i komunës së Kërçovës.

Ajo që ngjalli reagime tek opozitarët ishte mungesa e debatit publik për buxhetin, siç ka ndodhur në vitet e kaluara, ku qytetarët kanë mundur drejtpërdrejtë përmes debatit publik të shprehin nevojat e tyre.

Dehari këtë e arsyetoi me mbajten e zgjedhjeve lokale dhe tha se i njëjti është publikuar në ueb-faqen e komunës, por për këshilltarët opozitarë arsyetimi nuk qëndronte.
“Nuk pajtohem me atë se ky buxhet ka pasur debat publik, ndoshta ka pasur më herët, por tani jo”, theksoi Agim Sadiku, këshilltar i pavarur.

“Nuk më pëlqeu arsyetimi për mos mbajtjen e debatit publik për buxhetin e vitit 2022 (ngjitje), sidomos për pjesën e mbajtjes së zgjedhjeve sepse edhe ne vitin 2017 kemi pasur zgjedhje por edhe atëherë është organizuar debat publik, (ngjitje) sepse jemi mësuar që praktika e përpilimit të buxheteve të bëhet ashtu siç e keni bërë edhe në të kaluarën”, tha Abdulla Sejdini, këshilltar i ASh-së.

Në këtë mbledhje u shqyrtuan edhe amendamentet e dorëzuara nga këshilltarët e VMRO-DPMNE-së në lidhje me buxhetin, të cilët pas shqyrtimit nuk u votuan dhe u hodhën poshtë.
Buxheti i Komunës së Kërçovës pas disa debateve dhe propozimeve u vendos në votim dhe u votua me 12 vota pro, 9 kundër dhe 1 përmbajtur.

VIDEO:

/tv21