Fatmir Dehari uron festën e 28 nëntorit

Të dashur bashkëkombas të mi.
Na ka rastisur ndonjëherë që urimin e një ngjarje të rëndësishme historike ta percjellim edhe me dhimbje të hidhur.

Dhe, po këtë Ditë të Flamurit që rreth vetes e mban të bashkuar tërë kombin padrejtësisht të ndarë, duhet uruar e përgëzuar me lumin e pashtershëm të lotëve për humbjen e më të dashurve në Kosovë e Bullgari.

Me mall e vaj për punëtorin e të palodhshmin tonë të dashur Gazmend Ukallin, Ju uroj Juve uskanas të mi kudo qe jeni:
Gëzuar Ditën e Flamurit! Gëzuar Ditën e ketij simboli unifikues që përkujton dëshmorët e kombit dhe sakrificat e tyre të panumërta për lirinë të cilën e gëzon kombi ynë.

Paçim fatin e mirë që festat e radhes t’i shënojmë pa viktimizime të njerëzve tanë! Paçi shëndet e Zoti e bekoftë Flamurin, gjuhën e kombin

Me respekt,
Komuna e Kërçovës,
Kryetar,
Fatmir Dehari

/ms