Mërgimtari që erdhi ti votoj pyet pse u larguan këshilltarët..?

PSE u larguan tre këshilltarët e BDI-së
Tre këshilltarë të zgjedhur nga partia e BDI-së,e të votuar nga populli si kuadro me autoritet në komunën e Kërçovës pa pritmas në mbledhjen e parë që u mbajtë paraqitën largimin e tyre.

Parashtrohet pyetja PSE,nga shumë arsye,sepse këto kuadro janë shumë të vetëdijshëm për veprimin që e kanë bërë,në dëm të elektoratit që i votuan si kuadro të Kërçovës.

Ndodhi ajo që askush nga ne nuk e priti,ju besuam me plotë vullnet dhe dëshirë,që në këshillin e komunës do të kemi kuadro të pregaditur,por ndodhi një befasi shumë e madhe,atyre të cilëve u besuam u larguan,neve na mundon më tepër shkaku pse,nga se arsyet se pse largohen pêr mua personalisht nuk mbajnë shumë peshë.

Unë vetë kur i pashë si bartës të listës dhe si kandidat për këshilltar,thashë dy mjek me peshë më të madhe se sa në rang komunal dhe plus me angazhime në drejtimet e veta,dhe me vendbanim në kryeqendrën e republikës,më erdhi pak si lojë,por shpresova se do të angazhohen edhe kuadro cilësor në komunën tonë,gjë që nuk u realizua.

Ditën që pranuan mandatin e këshilltarit pata rastin ti takoj të dy mjekët dhe me një përshëndetje vëllazërore va urova dhe nuk vërejta diçka që nuk ishte në rregull,por shumë shpejt lexova dhe ndëgjova për largimin e këtyre personave.A thua vallë u manipuluan këto persona me renome për x arsye,apo çka ndodhi…unë nuk besoj që këto kuadro të pranojn loja të tilla,por më intereson se ku qëndron thelbi i dorëheqjeve-gjegjësisht dorëzimit të mandatit.

Si do që të jetë këshilli komunës u dobësua për tre persona me vlera të larta,që rralë kush mundet ti zëvendësojn.Dy mjekëve ju dëshiroj suksese në profesionin e tyre,dhe profesoreshës gjithëashtu suksese në punë.Do të jemë mirënjohës ta ndëgjoj realitetin nga vetë personat e lartëpërmendur.
Gjitha të mirat

Me respekt
RA-lic.iur
Islam Veliu
Shkruan mërgimtari në facebook

/ms