Përse këshilltarët e BDI-së dhanë dorëheqje..? (VIDEO)
Përse këshilltarët e BDI-së dhanë dorëheqje? Ishte ky mashtrim klasik parazgjedhor apo vjen si pasojë e rezultateve zgjedhore apo pazareve parazgjedhore që janë bërë pa dijeninë e tyre? – pyet dega e ALTERNATIVËS – KËRÇOVË
Të nderuar bashkëvendës, të nderuar media
Konferenca jonë e sotme për media ka të bëjë me fenomenin dhe parullën e BDI-së “Nuk u tha u bë” ku si shkas marrim dorëheqjen e tre këshilltarëve të BDI-së dy mjekëve të respektuar nga Kërçova njërit si bartës liste dr. Gazmend Jusufi dhe kirurgut dr. Qemal Rushiti si dhe zonj.
Xhika Jahoja si zv. drejtoreshë në shkollën fillore “Rexhe Rushit Zajazi”. Pyetjet e shumta dhe reagimet e ashpra që pasuan gjatë ditës së djeshme aspak nuk janë për tu tejkaluar me aq lehtësi siç është mësuar BDI sepse qytetarët duan të dinë arsyet e vërteta të dorëheqjeve të 3 këshilltarëve.
Edhe pse duke kujtuar shumë premtime tjera që BDI i ka bërë në të kaluarën, si atë të fundit me kryeministrin shqiptar, jo që është për tu habitur. Sidoqoftë arsyetimet e llojit se për shkak angazhimit profesional nuk jeni në gjendje të kryeni obligimet nuk mban aspak dhe me këtë bëni edhe gabimin e dytë.
Më së paku ju keni borxh të gjithë atyre që ju votuan t’u kërkoni falje sepse nuk na e merr mendja se përpara se të merrni vendimin të kandidoni nuk e keni ditur se sa jeni të angazhuar në profesion, e nëse këtë nuk e bëni do t’ju mbetet akuza e rëndë për mashtrim klasik dhe një barrë e rëndë në ndërgjegjen tuaj.
Nuk duam t’i besojmë as spekulimet se e gjithë kjo vjen si pasojë e rezultateve zgjedhore apo pazareve parazgjedhore që janë bërë pa dijeninë tuaj për çka do ju mbet mediumeve dhe juve ta sqaroni.
Suksese përbërjes së re të këshillit dhe punë të mbarë e të frytshme.
VIDEO:
