Limani: Qytetaret e Kërçovës e meritojnë më të mirën..

Kandidati i pavarur për kryetar të Komunës së Kërçovës Fatmir Limani, ka vazhduar me prezantimin e ofertave të tij.
Limani dhe ekipi i tij në vazhdimësi janë aktiv me ofrimin e zgjidhjeve të problemeve në Komunën e Kërçovës.

Një ndër ofertat dhe pikat kryesore të Limanit gjatë mandatit të tij është edhe përmirësimi i efikasitetit dhe cilësisë së shërbimeve komunale: ‘Ne do ti shërbejmë komunitetit tonë me kënaqësi.

Do të kërkojmë që të kuptojmë dhe plotësojmë nevojat e tyre, dhe do tu ofrojmë shërbime brenda mundësive dhe burimeve tona. Do të jemi të përkushtuar për një shërbim të arritshëm, në kohë, të ditur, të kujdesshëm dhe të drejtë. Do të vlerësojmë informatën e juaj kthyese, dhe do ta shfrytëzojmë atë sipas motos ‘Ta bëjmë më mirë.

Limani në këto zgjedhje kandidon nën moton ‘Për një të ardhme të pavarur’ me të cilën sipas tij do të i jepet mundësia që me Kërçovën të udhëheqin njerëz të pavarur politikisht dhe të aftë të cilët do të zhvillojnë qytetin dhe do ta bëjnë Kërçovën të banueshme përsëri.

/ina