Kush është Mirije Vrangalla..?

Mirije Vrangalla, lindi në janar të vitit 1988 në Kërçovë. Shkollën fillore dhe të mesme i kreu në Kërçovë. Në Universitetin Shtetëror të Tetovës e kreu Fakultetin Filologjik, Drejtimi: Gjuhë dhe Letërsi Angleze. Në Universitetin e Evropës Juglindore kreu studimet pasdiplomike, Drejtimi: Menaxhimi dhe udhëheqja në arsim.

Ka punuar si prezantuese lajmesh dhe drejtuese e një emisioni për të rinjë në Tv Uskana, në Kërçovë. Ka qenë e angazhuar si mësimdhënëse e gjuhës angleze në shkollën fillore dhe të mesme të Kërçovës. Pedagoge kontrolluese e gjuhës angleze në Institucionin komunal të Kërçovës. Mësuese private për gjuhë shqipe për disa vullnetarë të Korpusit të Paqes. Pjesëmarrëse e disa trajnimeve dhe punëtorive.

Anëtare në Organizatën për zhvillimin e të rinjëve ‘Factor’ Kërçovë, me tre projekte të realizuara si: “Kampi veror I gjuhës angleze”, “Project impACT” (Ndikimi në komunitet dhe edukimi I qytetarëve) realizuar nga organizata joqeveritare Democracy Lab me mbështetjen e Projektit të USAID-it dhe “Kampi multikulturor rreth botës dhe Klubi kulturor”.

Bashkëthemeluese e Klubit të Shkrimtarëve Shqiptarë ‘Penestia’, Kërçovë dhe pjesëmarrëse e disa projekteve kulturore si dhe e ftuar në disa takime poetike në vend, Kosovë dhe Shqipëri.
Me krijimtari letrare merret që në moshë të re dhe suksesi saj i parë ka qenë që në shkollë fillore me botimin e udhëpërshkrimit“Një shetitje në natyrë” në revistën “Art Plus”.

Pas një sërë mirënjohjesh dhe shpërblimesh, poezia e saj botohet në gazetën“Nacional” të Shqipërisë, në kuadër të takimit poetik kombëtar “Fjollë Dashnie”.
Poashtu është e përfshirë në Antologjinë “Paradise on earth” (një Antologji Amerikane e Poezisë moderne botërore); me drejtues shkrimtarin amerikan, Stefan Bohdan, e cila përveç në versionin e shtypur, gjendet edhe në Amazon.
Është autore e dy vëllimeve poetike:

“Hije” (poezi), Feniks, Kërçovë, 2015;dhe përmbledhja fituese në konkursin e Shtëpisë së kulturës“Koço Racin”, Shkup,
“Lëmsh mendimesh” (poezi), Vinsent grafika, ed. Rruga e shkronjave, Shkup, 2019; i cili u promovua në Ditën e Alfabetit, bashkë me një seri aktivitetesh në kuadër të kësaj shtëpie kulture.
Shkruan Valmir Aziri

/ms