Zvicra, e gatshme të ndihmojë arsimin shqip..

Zvicra si çdoherë e gatshme për të ndihmuar fushën e arsimit në Shqipëri. Në një njoftim nga Ambasada zvicerane në Tiranë, tregohet gatishmëria për ndihmë në disa projekte, përfshirë këtu edhe arsimin shqip, përcjell albinfo.ch.
Kjo ishte edhe tema e takimit të ambasadorit të Zvicrës në Tiranë, Adrian Maître, me ministren e Arsimit, Sportit dhe Rinisë, Evis Kushi.

“Një takim produktiv me ministren e Arsimit, Evis Kushi, për të diskutuar përfshirjen e Shqipërisë në Institutin e Europës Juglindore për Teknologji të Qëndrueshme SEEIIST me seli në Gjenevë dhe që promovon inovacionin dhe diplomacinë shkencore. Gjithashtu shohim përpara drejt bashkëpunimit me Ministrinë në projektin e ri ‘Shkollat për shëndetin’, i cili do të edukojë nxënësit, mësuesit dhe prindërit mbi praktika dhe sjellje të shëndetshme”, shkruhet në postimin e kësaj ambasade në rrjetin social Facebook.

Ata kanë biseduar për përmismin e kushteve në arsimin shqip dhe avancimin e shkencës.
Do përkujtuar se Zvicra ka mbështetur tranzicionin demokratik të Shqipërisë qysh nga viti 1996, për çka Qeveria helvetike ka investuar në Shqipëri 345 milionë franga për arsim, zhvillimin e vendit dhe ndihma të ndryshme humanitare.

/albinfo