Fillon edhe një luft e re mes këtyre dy shteteve !
Tetë civilë, mes tyre tre fëmijë, kanë humbur jetën si pasojë e sulmeve ajrore të ndërmarra nga Jordania në jug të Sirisë. Bombardimet, të cilat u zhvilluan të hënën, kanë shkaktuar gjithashtu plagosjen e katër personave të tjerë, ndërsa kanë nxitur tensione mes Damaskut dhe Amanit.
Sipas autoriteteve shëndetësore siriane, trupat e tetë viktimave, mes të cilëve një i moshuar dhe tre fëmijë, janë transportuar në spitalet e provincës Daraa. Të plagosurit po marrin ndihmë mjekësore, ndërsa nuk janë dhënë detaje të mëtejshme mbi gjendjen e tyre shëndetësore.
Ushtria jordaneze konfirmoi kryerjen e sulmeve ajrore, duke deklaruar se avionët luftarakë kishin goditur disa pozicione në Sirinë jugore, të cilat i cilësoi si strehë të sigurta të organizatave terroriste.
/ballkanweb
