Mesazh prekës për Lorikun nga daja i tijë..
Loriku jonë i dashur,
Ti sot po trajtohesh në spital në një shtet të huaj, ku për kujdesin që ke lirisht ta thërasish ATDHE.
Të na e bësh hallall o Yll, se të lodhëm shumë gati 8 muaj dyerëve të spitaleve të RMV-së, ku përpos trajtimit ç’njerëzor që pate, në dhomën ku rrije edhe dritën e diellit e kishte të kufizuar, dritarja ishte e ngjyrosur me ngjyrë, pa kushte elementare, pa ujë, dhomat VIP ruheshin për funksionarët dhe fëmijët e tyre.
Ti, edhe pse je ende një fëmijë 10 vjeçar, asnjiher nuk u ankove, as edhe një pikë loti nuk pamë në sytë e tu të pastër si qielli, ti vetëm buzëqeshje dhe ishe ti ai që na jepje kurajo e jo ne ty. Falë zotit dhe njerëzve human ti sot po trajtoesh në Klinikën Universitare të Heidelbergut në Gjermani.
Në spitalet tona u shterën të gjitha mundësitë e diagnostifikimit dhe trajtimit gati 8 muaj, i siguruam të gjitha dokumentacionet për trajtim jasht shtetit me nënshkrime të mjekëve të Klinikës së Shkupit por Fondi i sigurimit shtëndetësorë (në krye me drejtor shqipëtar) solli vendim negativ, me pretekst se Fondi nuk mbështet diagnostifikim por vetëm trajtim, edhe pse 8 muaj ti ende skishe diagnostifikim, sipas tyre do duhej të shuhej edhe një jetë fëmiju, si rasti i Tamarës nga Velesi (që vendimi pozitiv për trajtim i shkoj familjes pasi ndërroi jetë vajza e tyre) edhe shumë e shumë jetë fëmijësh si që shuhen dita ditës.
O ju funksionarë, deputetë, ministra, drejtora e zdi çfarë tjetër që jeni, ju vetëm njerëz s’jeni. Jeni të prishur në formën më të përsosur, në palcë. Keni shkatërruar çdo ndjenjë kombëtare, morale, etike dhe njerëzore. Kur uleni në tryezë me familjet tuaja (nëse uleni ndonjëher), a keni karrike të zbrazëta, a mungojnë familjarë, miq, shokë, fëmijë, nipa që janë shpërngulur me qef e pa qef, apo jeni te verbuar nga pasionet e shfrenuara që keni.
O ju të mjerë, keni shkatërruar veten tuaj, familjet tuaja, gjithçka që lulëzonte si shpresë për një jetë më të mirë. Për këta 20 vite që jeni në pushtet jeni lodhur shumë, keni bërë pallate, ndërtesa, vila, pasuri të tundshme dhe të patundshme saqë s’tundeni dot. Komoditeti që keni krijuar në fotele dhe kolltuqe nuk lishohet dot.
Keni bëre shumë rrugë të asfaltuara dhe trotoare por s’na shpien dot askund sepse na shuajtët dritën, na shuajtët shpresën, na shkatërruat arsimin dhe shëndetësinë, dy shtyllat kryesore për një mirëqenije sociale.
Qofshi të mallkuar nga i pari deri te i fundit. Mbetshi të vetmuar dhe të shkatërruar ashtu siç jeni thellë në shpirtin tuaj!
Shkruar nga Besnik Selimi