Kërçovë: Banorët e fshatit Leshnicë ende ecin nëpër baltë..(VIDEO)

Rrugët ende me baltë, me gropa, të shkatërruara dhe të pa asfaltuara, me këtë fenomen përballen çdo ditë banorët e fshatit Leshnicë të Kërçovës të cilët që nga viti 2017 kanë bërë kërkesë për asfaltimin e kësaj rruge.
Si shumë fshatra të tjera edhe fshati Leshnicë përballet me problem të shumta, nuk kanë kanalizim, kanë problem me mbeturinat të cilat mundohen ti menaxhojnë vetë dhe sikur të mos mjaftonte me kaq, ata kanë edhe rrugët e pa asfaltuara dhe çdo ditë ecin nëpër baltë.

Banorët thonë se kanë shumë probleme në fshat por më me rëndësi dhe si nevojë elementare kanë asfaltimin e rrugës.
Kanë bërë disa herë kërkesa deri tek komuna por që nuk është realizuar asgjë.

“Ne kemi bërë disa herë, prej kryesisë së fshatit me fshatarë kemi shkuar 6-7 persona, dy ose 3 herë na ka premtua që do të vijë dhe do ta rregullojë këtë rrugë për ta bërë me bekaton na ka thënë, ishte për tu bërë në mars, fillimi i marsit të fillojë dhe të përfundojë, mirëpo ende nuk kemi asnjë rezultat që të vijë të na ndihmojë. Ka erdh e ka pa se rrugët janë me të vërtetë të mjerueshme mirëpo deri më tani nuk ka realizuar asgjë PO PO dhe mbesim vetëm me atë PO asgjë tjetër”, deklaroi Fari Selimi.

“Kërkojmë edhe ne kur vijmë këtu kushtet por deri më tani nuk është realizuar asgjë edhe me ndihmën tonë por nuk bëhet asgjë.(ngjitje) Kërkojmë, japim votat por nuk bëhet asgjë, nuk ka ndryshime nuk ka asgjë”, tha një banor tjetër.
Nga Komuna e Kërçovës thanë se punimet janë shtyrë për shkak të motit të keq dhe lagështisë, por me përmirësimin e kushteve do të fillojë edhe asfaltimi i disa rrugëve dhe rrugicave.

VIDEO:

/tv21