Në horizont dhe kandidati i tretë për kryetar komune të Kërçovës..! (FOTO)

MODEL AMERIKAN NË DREJTIMIN E KËRÇOVËS
Kërçova periudhën e fundit kohore është drejtuar nga dy ekstreme të ndryshme. Së pari nga drejtues maqedonas të cilët e ndanë qytetin në dy pjesë, pjesa shqiptare (veriore) dhe pjesa maqedonase (jugore). Ekstremi i parë – Investimet, deri sa udhëhiqej nga maqedonas, ishin kryesisht në pjesën jugore të qytetit dhe pjesa e sipërme neglizhohej dhe lihej pas dore, e pa zhvilluar dhe pa investime (meqë në të pjesë dërrmuese ishin shqiptarët dhe romët).

Ekstremi tjetër në drejtimin e komunës është ai i cili po ndodh gjatë udhëheqjes së saj nga kryetari shqiptar, i cili ka partizuar e politizuar arsimin dhe administratën publike e komunale, ka keqmenaxhuar pronën publike, ka lejuar dhe ka nxituar ndërtimin pa leje dhe pa kriter, nuk ka parandaluar dukuritë devijuese dhe degjeneruese të rinisë dhe shoqërisë (drogën, bixhozin e prostitucionin), të gjitha këto dhe shumë të tjera kanë ndikuar që largimi i të rinjve të marrë përmasa të mëdha dhe shqetësuese për kombin dhe shoqërinë tonë. Për çdo njërën dukuri mund të sjell fakte e dëshmi të shumta, por qëllimi i shkrimit është promovimi i një modeli tjetër të drejtimit të komunës.

Banorët e Kërçovës dhe institucionet e saj kanë nevojë që të drejtohen nga njerëz të moralshëm, të devotshëm, të përgatitur profesionalisht dhe me një sinqeritet dhe transparencë ndaj qytetarit, qoftë votues i tij apo jo. Duhet drejtuar nga parimi i gjithë përfshirjes dhe krijimi i mundësisë së barabartë për të gjithë. Të vendoset në zbatim parimi i meritokracisë dhe dhënia e përparësisë atij që meriton dhe është i përgatitur për atë punë. I pari i komunës duhet të kultivojë të drejtën e demokracisë, lirës së të menduarit dhe barazinë për të gjithë. Kjo do të ishte vlera e një shoqërie të lirë e demokratike. Modeli për këtë, unë gjykoj se është modeli amerikan i demokracisë dhe drejtësisë në drejtimin me institucionet e shtetit, bashkisë apo komunës.
Si banor i Komunës së Kërçovës do të kisha dashur të jetoj në komunë e cila do të drejtohet dhe do të udhëhiqej nga këto parime dhe drejtues me këto vlera njerëzore e profesionale.
A ka mundësi që Kërçova të bëhet e tillë?
Sigurisht që po.

Ajo ka mjaftë potencial njerëzor, qoftë në vend ose në mërgatë. Personalitete të dëshmuara për arritjet e tyre profesionale, për vlerat morale, për atdhedashurinë dhe patriotizmin, për kontributin e tyre në shoqërinë shqiptare (qoftë në Kërçovë, Kosovë apo mërgatë).
Do të kisha dashur dhe do të ndjehesha i nderuar që të jetoja në një vend i cili do të drejtohej nga dikush i cili njihet për virtytet që përmenda më sipër. Njeriu për të cilin jam i bindur se do të zbatonte mendësinë dhe modelin amerikan të funksionimit është atdhetari dhe profesori RAMAZAN BEKTESHI. Kontribuues në zhvillimet shoqërore në dhe për Kërçovën, Kosovën dhe mërgatën shqiptare në Amerikë. Personalitet të cilin do ta kishim për nderë që ta drejtonte komunën, jo vetëm unë, por të gjithë banorët e Kërçovës, duke përfshi edhe drejtuesin aktual e të gjithë pretendetët e tjerë për këtë pozitë.
(Uroj për mirëkuptimin e mikut dhe profesorit Ramazan Bekteshi që do të përdor pa lejen e tij fotografitë që ai vetë i ka bërë publike në profilin e tij të Facebookut.)

Shkruan prof. Lulzim Aliu nga Alternativa në facebook duke shpalosur edhe këto foto..
A do të thotë kjo se Alternativa do të kandidojnë me Ramazan Bekteshin për kryetar komune..