Kërçovë projekti “Mëso me mençuri, puno me profesionalizëm”

Ministria e Arsimit dhe Shkencës filloi procesin e konsultimeve me kompanitë, odat ekonomike dhe vetëqeverisjet lokale për nevojën e hapjes së profileve dhe paraleleve të reja në shkollat e mesme profesionale në të gjithë shtetin nga viti i ardhshëm shkollor.

Nën moton “Mëso me mençuri, puno me profesionalizëm”, Ministrja e Arsimit dhe Shkencës Milla Carovska, zv/Ministri Arafat Shabani dhe Kryetari i Komunës së Kërçovës Fatmir Dehari, diskutuan me kompanitë vendore të Kërçovës dhe Makedonski Brodit për dizajnimin e programeve mësimore dhe politikat e regjistrimit në shkollat e mesme profesionale.

Sektori privat i shpalosi kërkesat e tyre për profesionalizimin e kuadrit të nevojshëm, gjë e cila në vitin e ri shkollor në dy shkollat e mesme në Kërçovë “ Drita” dhe “ Mirko Mileski” paraqitet si nevojë për hapjen e drejtimeve të reja profesionale.