Kërcovari Beqir Limani, boksieri më i mirë i huaj në turneun në Prishtinë

Klubi i Boksit Shkëndija “No Limit”ishte pjesëmarrëse në turneun e organizuar këtë fundjavë në Prishtinë nga klubi Boks-Gollaku për nder të Heroit të Kombit Ismet Arsllani Prapashtica.

Boksieri Beqir Limani nga Shkëndija “No Limit” është shpallur boksieri më i mirë i huaj në këtë turne, i cili fitoren ia dedikojë gazetarit të sportit nga Kërçova, Refik Zenku që ndërroi jetë në fund të vitit 2020.

Sa i përket çmimeve tjera, Shpëtim Bajoku u vlerësua më i miri i turneut, boksieri më i mirë vendor ishte Demahmet Sinani, boksieri më i ri Klodian Braimi si dhe çifti më luftarak u përzgjedh Luar Aliu dhe Morgan Disha.

/sportmania