Fshati Baçisht dhe folklori burimorë nga Vehbi Haziri
Rezistenca me moral shembullor si dhe potenciali i fuqishëm i patriotizmit kombëtar shqiptar, janë karakteristikat kryesore që ky fshat të mbetet krenar në përcaktimin kombëtar.
Pra, jemi dëshmitarë të kohës së kaluar për fenomenin e fshatit Baçisht që t’i vërtetojmë faktet, se sa energji politike, çfarë metodash represive, sa falsifikime historike, dhe çfarë strategjie ekonomike e politike, kanë vënë në funksion diktaturat e regjimeve sllavo-ortodokse për asimilimin ose zhdukjen e vetëdijes kombëtare shqiptare në Baçisht.
Mirëpo, patriotizmi kombëtar, guximi heroik i çdo banori, me krenari të pa luhatshme i kundërvihej terrorizmit politik.
Rolin kryesor që Baçishti mbetet i pamposhtur në realitet e luajti në mënyrë të shkëlqyeshme folklori burimor kombëtar-shqiptar i këngëve dhe i valleve popullore si te grupet e interpretuesve të këngëvc te burrat, poashtu edhe te vajzat.
Edhepse në këtë vendbanim është përdorur gjuha e komunikimit maqedonisht-shqip, fuqia e shqiptar dominoi që shqiptarët të mbeten shqiptarë. Në mesin e kësaj popullate, nëpër gëzime, tubime dhe dasma ka pasur gjithmonë rapsodë të talentuar siç ishin: Salifi, Iseni, Xhemaili si dhe shumë të tjerë në grupe të koordinuara të burrave dhe ato të vajzave me këngë burimore kreshnike, patriotike, historike, etj.
Dashuria ndaj folk lorit burimor te baçishtasit, tradicionalisht ka qenë në kulminacion nga vetë fakti se përveç interpretuesve të fshatit me rastin e dasmave (por edhe mikpritjet e shpeshta), hoheshin këngëtarë me renome nga: Zajazi, Tuhini, Cërvica Beri kova, Prapadishti, Greshnica, si dhe grupi i famshëm në krye me Maksut Deharin nga Gostivari ku me ditë dhe javë të tëra e shtonin harenë në zemrat e dashamirëve të këngës shqipe në Baçisht.
Pra, me plot respekt ndaj këngëtarëve dhe valltarëve si dhe mikpritjen bujare të baçishtasve, nga zemra i përshëndesim dhe falenderohemi, me optimizëm se edhe në këtë fshat perspektiva e folklorit burimor shqiptar do të lulëzojë për jetë.
