Fshati Drogomisht i Madh dhe folklori burimorë nga Vehbi Haziri

Fshati i lavdishëm është simboli i shpëtimit të shqiptarëve nga masakrat e partizanëve të vitit 1944, si dhe vendlindja e Gjeneral Kolonelit të vetëm shqiptar humanistit shembullor Ibrahim Ibrahimit.

Sa është fuqia potenciale e folklorit kombëtar, dhe sa ndikon për ruajtjen e indentitetit dhe vlerave kombëtare, argument mbi të gjitha argumentet është fenomeni i fsh.Drogomisht i madh.

Dihet fare mirë se deri para disa dekadash, në këtë fshat është përdorur gjuha e kombinuar shqip-maqedonisht, moti vet se pse ka qenë kështu nuk do ti komentoj (edhe pse kam njëfarë njohurie enciklopedike), nga shkaku se kjo është lami e shkencëtarëve që janë kompetentë dhe që merren me studimet e prejardhjes së popullit të lashtë shqiptar.

Në këtë rast do të bindemi se roli që e ka luajtur folklori popullor shqiptar, pra këngët në gjuhën shqipe si te vajzat, po ashtu edhe te grupet e burrave, ka qenë shumë i rëndësishëm sepse regjimet okupuese e kanë favorizuar gjithmonë eliminimin e vetëdijes shqiptare.

Pra, interpretuesit e këngëve të vjetra shqipe siç ishin: Daut Ismaili, vëllezërit Imeri e Xeku, Mehmet dhe Mefail Mahmuti, Salifi, si dhe shumë të tjerë, luajtën rolin madhështor.

Si artistë të shquar me shumë respekt do t’ju falenderohemi për tekstet e këngëve të bukura shqipe që nga: Zajazi, Berikova, Greshnica, Cërvica, Prapadishti, dhe vende të tjera i koncentronin në këtë fshat me popullatë shqiptare dhe me shumë sukses e shpëtuan fshatin nga asimilimi.

Këngët shqipe, mirë të koordinuara siç ishin: “Kënga e Murat Çafës”, “Kënga e Veselit”, “Tahir Pasha”, “7 bylbylat”, “Sulltana heroike”, “Luto fukaraja”, “Zana e malit”, si dhe shumë të tjera me tematikë historike, patriotike, dashurie ku sëbashku me rapsodët e talentuar të lartpërmendur do të mbeten gjithmonë në kujtesë.

Poashtu instrumentet popullore si: kavallat, fyelli, çiftelia, kanë qenë në nivelin superior sidomos në kombinimin e këngëve shqipe me muzikën, për çka dëshriojnë inçizimet e një numri të madh të audio-video kasetave të cilët janë vepër artistike të rinisë të këtij fshati.

Me respekt të veçantë ndaj rinisë të fshatit Drogamisht i madh, për zhvillimin e folklorit kombëtar shqiptar, do ta cekim grupin simpatik në krye me këngëtarin Abdyl Abdylin solist i talentuar i mirënjohur jo vetëm në Kërçovë por edhe më gjërë.