Fatmir Dehari: Mirë se erdhët bashkëvendas nga diaspora

Përhapja e pandemisë COVID 19 ka bërë që bashkëqytetarët tanë nga diaspora një kohë të gjatë të mos jenë prezent në vendlindjen e tyre. Ditëve të fundit në vërejmë një prani të konsiderueshme të bashkëvendasëve tanë që kanë ardhur nga shtete të ndryshme, gjë që ka gjallëruar edhe qytetin e Kërçovës.

Rrethanat me COVID 19 verën që lam pas, pamundësuan ardhjen e tyre gjatë pushimeve verore dhe nuk kemi pasur mundësi që t’i takojmë drejtpërsëdrejti, andaj ditëve në vijmë do të kemi rastin që të vizitojmë njëri tjetër, të çmallemi me familjarët tanë, të ngushëllojmë ata që humbën familjarët e vet nga koronavirusi, por mbi të gjitha t’u dëshirojmë mirëseardhje dhe qëndrim të rehatshëm në vendlindje.

Njëkohësisht, gjatë qëndrimit në vendlindje përcjellim apel për të zbatuar masat kundër koronavirusit, duke respektuar rekomandimet e organeve shëndetësore, të kemi kujdes të shtuar nëpër vizita familjare dhe të mbajmë largësinë e duhur midis nesh. Me këtë kontribojmë që të jemi më të sigurt dhe të parandalojmë përhapjen e COVID 19.

Bashkëvendas të respektuar, Ju dëshirojmë qëndrim të këndshëm në vendlindje dhe Ju dëshiroj që të kaloni çaste të bukura në mesin familjar.
Me respekt,
Komuna e Kërçovës
Kryetar,
Fatmir Dehari