Kush është atdhetari Kërçovarë Mexhit Selmani që punon dhe vepron në Suedi

Dita ditës shqiptarët e diasporës me punën, angazhimin dhe sukseset në punën e tyre, po e ngrisin lartë dinitetin e të qenurit shqiptarë. Shumë nga ta tashmë janë shembuj tipik se si me angazhim e dituri, me vullnet dhe me dashuri për punë ngritet lartë vlera e njeriut si individ dhe kështu bëhet krenari edhe për gjithë pjestarët e kombit të tij.
Shembuj të tillë, fatlumnisht, sot kemi në cdo cep të botës. Shqiptarët gjithandej po shkollohen e po përparojnë, duke u bërë kështu të zotët e vetvetës, po edhe krenaria e gjithë kombit.
I tillë është edhe personazhi i këtij shkrimi: Mexhit Selmani.

Kush është Mexhit Selmani?

Êshtë një shqiptar i lindur në vitin 1957 në fshatin Kollarë, komuna e Kërçovës në Maqedoni. Ai mësimet e para në shkollën filllore, katërvjeçare, i mori në fshatin e lindjes. E pastaj vazhdoi tetëvjecaren në fashtin e afërm në Zajaz. Pati shumë fat sepse për mësues në klasën e dytë, shtatë dhe të tetë e pati Fazli Veliun – veprimtar të njohur dhe ideolog të UÇK-së.
Pasi e kreu tetëvjeçaren u regjistrua në shkollen e mesme ekonomike në Gostivar.

Kushtet e vështira ekonomike e detyruan atë që ende pa e mbaruar gjysmëvjetorin e parë të vitit të parë, të ndërpresë shkollimin dhe të shkoi, si pesëmbëdhjetëvjecar, e të punoi si shumë bashkatdhetarë të tjerë, Ai nisi të punoi në një ëmbëltore në Pozarevac të Sërbisë. Atje punoi gjashtë muaj dhe me të hollat e kyrsyera, si dhe me insistimin dhe me ndihmën ekonomike që ia premtoi kujdestari i klasës, prof.dr.Sejfedin Haruni, sot kryetar i Partisë për Prosperitet Demokratik, u këthye në Gostivar dhe e vazhdoi shkollimin e mesëm.
Po të mos ishte angazhuar aq shumë profesor Sefa unë do të kisha mbetur në ëmbëltore. – thekson Mexhiti, dhe për të arriturat e sukseset e tij sot gjithë falenderimin ua drejton mësuesit dhe profesorit të tij.

Pasi e kreu shkollën e mesme Mexhiti u regjistrua në fakultetin ekonomik në Shkup. Vitin e parë dhe të dytë i kreu në kohë, pastaj u detyruar që të ndëpres studimet dhe u largua nga vendlindja me qëllimin e vetëm të punoi e të përparoi në aspektin ekonomik. Kështu një kohë punoi në Austri dhe Zvicër.
Në ndërkohë nisi të punoi edhe si arsimtar, vetëm disa orë, në shkollën e mesme ekonomike në Shkup. Pasi që puna si arsimtar i pëlqeu shumë, vendosi që si student i me korespondencë të ndjekë edhe ligjerata në Akademinë Pedagogjike në Shkup. Në vitin 1982 apsolvoi në Fakultetin Ekonomik dhe fati e deshi që në gusht të vitit 1982 të emigroi në Göteborg të Suedisë.
Pasi u vendos në Göteborg filloi të punoj si pastrues dhe në ndërkohë i ndiqte mësimet për përvetësimin e gjuhës suedeze.

Pas punësimit u aktivizua edhe në begatimin e jetës kulturore

Në vitin 1983, Mexhiti e kreu kursin e gjuhës suedeze u punësua si shofer i tramvajit në komunën e Göteborgut. Krahas punës ai merrë pjesë aktive në jetën kulturore që në ate kohë në Göteborg organizohej në Shoqaten Shqiptare “Kosova” të udhëhequr nga i ndjeri Kosovë Rexha – Bala, që ishte një poet, veprimtarë dhe atdhetar i dalluar, në Suedi.
Në vitin 1984 me ndihmën e Kosovë Rexha- Balës punësohet me honorar, si mësues i gjuhës shqipe për fëmijtë e shqiptarëve në Göteborg.

Në këte kohë situata politike në Kosovë dita më ditë po keqësohej dhe populli shqiptar nga represioni serb po shpërngulej në gjithë Europën po edhe në Suedi, Numri i fëmijvë shqiptarë rritej dita më ditë. Për të ruajtur kulturën, gjuhën dhe traditat e tyre, fëmijëve ju nevojitej ndihmë. Dhe për këtë Mexhitit i ofrohet punë me vendim, por me kusht që të kryej studimet pedagogjike për arsimtar. Natyrisht ai këto studime i ndoqi në Univerzitetin e Geteborgut.

Nga puna si mësues deri tek puna si drejtor dhe si shef për disa shkolla fillore në Göteborg

Më 1987 Mexhiti i kryen studimet dhe zë punë si arsimtar i gjuhës shqipe në Göteborg ku punon deri në vitin 2003 kur i ofrohet puna si zavendësdrejtor në njisinë komunale për organizimin e gjuhëve të huaja (Språkenheten). Këtu punon deri në vitin 2007. Në gusht të vitit 2007 emërtohet nga komuna e Geteborgut, si drejtor në shollen fillore Rannebergen në Göteborg, shkollë me 290 nxënes dhe 50 punëtorë, me probleme të natyrave të ndryshme (përpara Mexhitit kjo shkollë kishe ndërruar 4 drejtorë për dy vite). Për një afat prej dy vitesh nën drejtimin e Mexhitit shkolla e Rannebergen u bë shkolla që tregoi rezultate më të mira në komunë dhe më gjerë. Pra kështu Mexhiti filloi të tregohet shumë i sukseshëm edhe si drejtues shkolle.

Prej 1 janarit 2011 komuna e Göteborgut u riorganizua administrativisht. Komuna u nda në dhjetë njisi komunale. Çdo njisi komunale, përveç pergjegjsisë sociale ka përgjegjësi edhe për parashkolloret dhe shkollat fillore. Me rastin e riorganizimit të komunës nga 1 janari 2011 Mexhiti emërtohet si shef zone në pjesën lindore të Göteborgut, Östra Göteborg, me përgjegjësi për katër shkolla fillore dhe për pesë parashkollore. Në këtë njësi ku Mexhiti sot ushtron detyrën e shefit, numri i fëmijëve parashkollarë është përafrsisht 620, ndërsa numri i nxënësve është rreth 800. Kurse numri i punëtorëve është 420. Këtu Mexhiti, si shef, ka edhe një përgjegjësi buxhetore prej 250 000 000 korona.

Shqiptarët si Mexhiti janë shembulli më i mirë se si me punë, shkollim, këmbëngulje dhe me vullnet të pashoq arrihen rezultate e suksese që janë gëzim dhe krenari jo vetëm për ata si individ por edhe për diasporën tonë dhe për gjithë kombin.

Raportoi:Salije Sadiku