Shoqata Humanitare Tuhini me alkcion Humanitar

Sot, në kuadër të Ditës kombëtare të Veprave të Mira në Zvicër, Shoqata Humanitare “Tuhini” ia kushtoi këtë aktivitet nxënësve të Shkollës Fillore “Naim Frashëri” në Tuhin, Jagoll dhe Dollencë.

Dhjetëra qytetarë u solidarizuan me kauzën tonë, duke vlerësuar dhe mbështetur punën humanitare që zhvillojmë prej vitesh. Kjo iniciativë u përmbyll me shumë sukses dhe dëshmoi edhe një herë se bashkimi për të mirën sjell rezultate të mëdha.

Falënderim i veçantë për kompaninë Coop Schweiz dhe Drejtorin e filialës në Oerlikon, Zürich, z. F.L., të cilët na mundësuan të jemi pjesë e kësaj dite madhështore dhe kontribuan financiarisht për kauzën tonë humanitare.

Mirënjohje të sinqertë për të gjithë vullnetarët, donatorët dhe pjesëmarrësit që përfaqësuan me dinjitet Shoqatën Humanitare “Tuhini”.

Së bashku dëshmuam se humanizmi, solidariteti dhe dashuria për njerëzit janë vlerat që na bashkojnë.

Faleminderit nga zemra! ❤️🇦🇱🇨🇭❤️
Me respekt nga,
Kryesia e Shoqatës H. Tuhini

/ms