Kërçovë, 8 punonjës shëndetësor të infektuar me Covid-19

Në spitalin e Kërçovës 8 pjestar nga personeli mjekësor janë infektuar me Covid-19. Të infektuara janë 2 motra medicinale, 4 specialistë dhe 2 mjeke. Ditëve të fundit në këtë komunë ka nga 15 deri 30 të infektuar në 24 orë. Spitali i Qytetit të Kërçovës nuk ka as repart infektologjie, as infektolog, e as Covid-qendër ku do të trajtohen të infektuarit me Covid-19.

Për momentin me të infektuarit merret shtëpia e shëndetit në Kërçovë dhe po përballen me vështirësi të mëdha. Ditë më parë drejtori i Shtëpisë së Shëndetit Xhabir Bajrami tha se vështirë përballen me këtë situatë dhe se pacientët me gjendje të rëndë nuk kanë se ku ti transportojnë, siç tha ai janë të detyruar të lusin drejtorët që t’i dërgojnë në Klinikën e Shkupi.

Në këtë qytet numri i të infektuarve nga fillimi i pandemisë e deri në këtë moment është 594 dhe raste aktive janë 189.

/tv21