Shkollat fillore në Kërçovë të gatshme për mësim me prezencë fizike

Shkollat fillore në Kërçovë janë të gatshme për mësim me prezencë fizike. Inspektimi është bërë mbi bazë të rekomandimeve të Ministrisë së Arsimit dhe Shkencës në të gjitha shkollat në Kërçovë, pas çfarë është konkluduar se shkollat i përmbushin kushte hapësinore që mësimi të zhvillohet me prezencë fizike të nxënësve.

“Ne si sektor për arsim i kemi kryer të gjitha inspektimet e nevojshme në nëntë shkollat fillore në komunën tonë dhe ku konstatuam se ekzistojnë të gjitha parakushtet që mësimi të zhvillohet me prezencë fizike, normalisht duke i respektuar rekomandimet shëndetësore.

Lidhur me të dyja shkollat e mesme konsiderojmë se nxënësit e vitit të parë mund të mësojnë me prezencë fizike, derisa të vitit të dytë, të tretë dhe të katërt mund të mësojnë onlajn”, tha udhëheqësi i Sektorit për arsim në Komunën e Kërçovës, Emin Nasufi.

Ai megjithatë potencoi se ky është vetëm një vlerësim i tyre dhe se fjalën e fundit do ta ketë Ministria e Arsimit dhe Shkencës, rz/ar/

/gazeta.mk