Shkrimtarja nga Zajazi Farije Selimi publikon veprën e parë

Letërsi

Edhe një shkrimtare është gati t’i bashkangjitet artit të shkruar e të sjelli tek ne gërshetën e saj të parë me poezi, pena e re, Farije Selimi.
Farije Selimi vjen nga qyteti ynë i bukur, Kërçova, gjegjësisht nga fshati Zajaz.

Qysh në moshë të mitur, Farija është marrur me arte, sidomos me artin e fjalës, ndaj sot ëndrra e saj si shkrimtare u bë realitet.
Sjell tek ne përmbledhjen me poezi, e cila është libri i saj i parë .

“Për moshën që ka autorja e re ,ka arritur të kapë tema të ngjeshura mirë , e që janë pjesë e një realiteti me të cilin autorja ndeshet” parashënon autori Adem Xheladini për Farije Selimi.

Libri i saj përmbledh në vete katër cikle poezishë të cilat vinë si katër stinët e pranverës, ku herë-herë shfaqen të etura për ta gjetur shtegun e veçantë të jetës, herë si cicërima zogu e herë si vapë gushti,ku shpresa ngulfatet, e megjithatë ajo përmbyllet si triumf i saj.

Farije Selmi jo më kot e ka vendosur titullin “Do t’ia dal” sepse ajo do ia dalë!

Shkruajn nga shoqata zajazi në facebook .

Farije Selimi lindi më 11 shkurt të vitit 2002, në fshatin Zajaz të Kërçovës. Shkollën fillore nëntëvjeçare e kreu në vendlindje gjatë viteve 2008/17. Shkollën e mesme e vazhdon në qytetin e lindjes, ku u regjistrua në drejtim profesional shëndetësor, mjekësi.

Qysh në moshë të mitur filloi të merret me arte, sidomos me artin e fjalës. Vargjet e para si e mitur që ishte, i shkroi për dashurinë që kishte ndaj natyrës, stinëve dhe si poezi të parë shkroi poezinë kushtuar stinës së pranverës gjatë kohës kur ishte në klasë të pestë.

Me kalimin e kohës ajo filloi t’i regjistrojë shkrimet e saj në fletore ku çdo vjershe ia vendoste edhe datën e saktë se kur e ka shkruar. U dallua si nx-ënese e gjeneratës dhe krahas kësaj kishte marrë edhe mirënjohje e lëvdata tjera për pjesëmarrje në aktivitete shkollore dhe për vendin e parë në kuizin shkollor. Është anëtare e “Klubit të librit” ku dallohet si oratore e mrekullueshme.

Merret edhe me piktura, portrete, lexon libra, shkruan edhe poezi, poemë ose ese. Vazhdon të mësojë në shkollën e mesme komunale “Drita” në Kërçovë… Kjo përmbledhje poezish, është libri i saj i parë.